Chapter 12

Maaga akong nagising ngayon para maghanda ng pang-umagahan. Sinadya ko talagang ako ang magluto dahil inuumpisahan ko na ang plano ko kay Aries.

Humihikab pa si Nanay Flor nang makita akong nagluluto sa kusina.

“Good morning, ija. Ako na riyan,” alok nito pero ngumiti lang ako sa kaniya.

“Ako na po. Sinadya ko talagang magising ng maaga para ipagluto kayo.” Malawak akong ngumiti rito.

“Aba? Anong mayro’n? Mukhang maganda ang araw mo ngayon, ah?”

“Nagpapaka-misis lang po.” Umikot ang mata ko habang sinasabi ‘yon. As if.

“Nako...” Nang-aasar na saad ni Nanay Flor. Mahina akong napatawa saka nagpatuloy sa pagluluto.

“Ano ba ‘yang niluluto mo, hija?”

Malapad akong napangiti. Of course this is my specialty, hindi ‘to mahihindian ni Aries. Gustong-gusto ito ng lola ko no’ng nasa Cali pa ako. Ito rin ang paborito ni Kuya at ito lang din talaga ang alam kong lutuin bukod sa mga instant at madadaling luto.

Lumap