48. TRAPPED SERIES#3

[Samantha]

“MAGNANAKAW!!!”

Napahinto siya pagpili ng gulay— maging ang mga tao sa paligid ay gano’n din. Handa na sanang saklolohan ng mga kalalakihan ang matandang babae ng magsalita muling sumigaw ito.

“Magnanakaw ng puso! Jusko, ang gwapo mo namang binata ka! Dayo ka ba sa lugar namin? Binata, pamilyar ka, parang nakita na kita hindi ko lang matukoy kung saan.” Napapakamot sa ulo na dugtong ng matanda.

Akala nila ay nangangailangan ito ng tulong— ‘yon pala ay nakakita lang ng gwapo.

“Si manang Lolits talaga, oh! Ang tanda na, pero kapag nakakakita ng gwapo ay naglalaway pa!” Palatak nang isang tindera.

“Miss, ito lang ang bibilhin mo?” Tanong ng tindera.

Napatitig siya sa matangkad na lalaking nakatalikod sa pwesto niya. Nakasuot ito nang kulay itim na jacket na may hoodie, loose pants, at crocs na tsinelas.

Mga 6’2 ang height, malapad ang likod, bakas ang matipunong braso. Parang si Z—

“Miss, aba, wag mo naman durugin ang kamatis na tinda ko,” Reklamo ng tindera.

Napang