54. TRAPPED SERIES#3

[Samantha]

Paano na lang kapag nahuli sila ng mama niya na nag uusap dito sa kwarto? Eh di mag iisip pa ito ng hindi maganda. Saka ayaw niyang ipaalam dito na ex niya si Zandro. Sigurado na maraming magiging tanong ito tungkol sa dahilan ng paghihiwalayan nilang dalawa.

Iyon ang iniiwasan niyang mangyari— Ang maungkat ang tungkol sa kasalanan na nagawa ni Zandro sa kanya.

Nagpalinga-linga ang mama niya. “Parang naririnig kong may kausap ka kanina. Akala ko tuloy ay kausap mo si Zandro.”

Agad na pinahid niya ang pawis sa noo gamit ang kamay na may sugat lang. Napangiwi siya ng kumirot na naman ang kamay niya.

“A-Ano naman ang gagawin ni Zandro sa kwarto ko.” Aniya na kunwari ay natatawa.

“Inutusan ko kasi siya na hatiran ka ng pagkain. Busy kasi ako kanina dahil kausap ko si Troy. Nang utusan ko si Pablo ay ayaw naman. Baka hindi daw siya makalabas ng buhay dito sa kwarto ko.”

Aba, mabuti at naisipin ng pinsan niya ‘yon. Talagang malilintikan talaga ito sa kanya kapag lumapit it