Chapter 9

Hindi pa rin mawala wala sa isip niya ang imahe ng lalaki, palaging naglalaro sa isip niya ng mga mata nito at labi. Mariing pinikit niya na lang ang mga mata at naiinis na ginulo ang buhok.

Bakit pa kasi ngayon pa siya nagkakaganito kung kailan lampas na ng kalendaryo ang edad niya? akala mo teenager eh. Nagmumukha na lang tuloy siyang tanga at baliw.

"Tasha. Ayusin mo ang buhay mo, malabong maging kayo dahil mas bata siya at lalong hindi ka niya papatulan dahil hindi ka niya gusto, kailangan mo siyang kalimutan. bulong niya sa sarili.

Binalik niya ang mata sa mga papeles na nagkalat sa lamesa. Bumalik siya sa pagkaaayos nang upo at sinusubukang ituon ulit ang atensiyon sa trabaho.

Anong oras na siyang nag-lunch dahil tinapos niya pa ang lahat ng trabaho. Pero tatayo pa nga lang siya nang tumunog ang cellphone niya at tumatawag ang kaibigan. Kaagad niya namang sinagot.

"Tasha... tulungan mo ako," bungad nito pagkasagot niya. Kaagad naman na nagsalubong ang kilay niya dahil sa bo