HTGT 48

Napakamot ako sa ulo ko ng maabutan ko si Harris na mahimbing na natutulog sa kama ko. Yakap niya si baby Elijah habang mahimbing din na natutulog. Namalayan ko na lang na napangiti na pala ako habang pinagmamasdan ang mag-aama ko.

Kami lamang ni Harris at ng mga bata ang naiwan sa apatment na inuupahan ni Mina. Kanina habang nandito kami sa kuwarto, tumawag sa ‘kin si Stella na umalis siya kasama si Mina. Mag-oovernight daw silang dalawa. Gusto kong magreklamo sa kanila na bakit iniwan nila kami ni Harris dito. Kaso kaagad naman akong pinatayan ng tawa nito.

At ngayong tulog si Harris sa kuwarto ko, nag-aalangan naman akong gisingin sia at sabihing umuwi na siya sa kanila. Siguro hahayaan ko muna siyang matulog at kapag nagising na siya, papauuwin ko na lamang siya.

Lumapit ako sa kama at binuhat si Elijah. Nilagay ko si Elijah sa sarili nitong kama. Pagkatapos ay napagpasyahan kong bumalik sa kusina para ipagpatuloy ang niluluto kong tinola. Pasado alas syete na ng gabi. Kanina p