Chapter 15

Sa dalawang araw na pamamalagi namin sa Batangas ay puro ligo lang ang inatupag ng kambal pero kahit na ganoon ay hindi sila nangingitim.

"Xzav, tawagin mo na 'yong kambal at bibihisan ko na." Utos ko sa kaniya.

"Hayaan mo muna silang maligo and besides last day na natin ngayon kaya hayaan mo silang magsawa." Sagot niya.

"Anong hayaan? Look, pulang-pula na sila oh," turo ko sa dalawang tuwang-tuwang naliligo. "Kung ayaw mo edi ako na lang mismo ang tatawag sa kanila." Akmang lalakad na ako nang hawakan niya ang braso ko.

"Okay, fine. Tatawagin ko na sila," sambit niya at mabilis akong hinalikan sa noo.

Inirapan ko na lang ito at sinundan na lang ng tingin palapit sa kambal. Akala ko tatawagin na niya ang kambal pero lumusong na rin siya sa tubig at nakipag-kulitan sa mga ito. Natampal ko na lang ang noo ko.

Umiling na lang ako at napagpasyahang umakyat na muna at hayaan silang magpakasaya roon. Pagka-akyat ko ay agad na akong umupo sa hanging swing chair at doon pinagmasdan ang tatlon