Chapter 9

Napapabuntong-hiningang binalingan ni Anastacia ang kaibigang si Carla matapos nitong ikuwento ang kalagayan ng bilas nito sa hospital. Bugbog sarado raw ito at halos lumobo na ang buong mukha at katawan dahil sa pasa at pamamaga.

Umismid si Carla. “Nakuha pa ngang magyabang kanina. Ipakukulong niya raw si Alessandro. Chaka niya! Nunkang mapabagsak niya ang isang guwapo at mayamang business tycoon na si Alessandro Messina. Luluhod muna ang mga tala bago mangyari iyon—in short, in his dreams.”

Humalakhak si Anastacia saka kiyemeng uminom ng juice. Nasa isang mamahalang restaurant sila ni Carla, inilibre niya ito dahil mayaman na siya ngayon. Mas lalo pa nga siyang naging mayaman dahil ipinahiram ni Alessandro sa kaniya ang black card dahil hindi pa raw ayos ang black card na para sa kaniya. Kinikilig talaga siya kapag naaalala iyon. Talagang yayaman na siya ng husto nang dahil sa binata.

“Maiba ako,” tumigil si Carla saka uminom ng juice. "Kumusta kayo ng asawa mo? Ang pogi niya talaga,