Chapter 17: Challenge Accepted

"B-Bente Pesos?" Laking gulat ko nang siya ang nakita ng dalawang mata ko.

Isang linggo na ang lumipas bago ulit kami magkita ngayon. Ang huli naming pagkikita ay sa ospital. At presko pa sa aking isipan ang sinabi niya sa gabing iyon.

"Anong ginagawa mo rito? Sinusundan mo naman ba ako? O, pumunta ka rito para lang makita ang special guest? Isa ka rin ba sa mga taga hanga ni Chadrick Aldovar?"

Nakakapagtataka naman kung bakit nandito siya ngayon. Hindi naman siya kasali sa JS Prom na ito dahil hindi naman siya estudyante ng Hanclifford Academy. Kaya paano siya nakapasok rito?

Kahit nasa medyo madilim kami na parte, nakikita ko pa rin kung paano siya napabuga ng tawa dahil sa sinabi ko habang inaayos ang kanyang itim na ribbon sa bandang gitna ng leeg niya.

Nakasuot siya ngayon ng black tuxedo na medyo kumikinang pa sa may magkabilang braso niya. Mas nadagdagan tuloy ang kaguwapuhan niya dahil sa suot niya ngayon. Ang sarap titigan ng matagal ang mukha niya. Baby face at fresh tingna