Chapter 10: Night Buddies

"OH, Janine ang aga mo naman?" Napataas ang dalawang kilay nito nang makita siya habang nagpupunas ng lamesa.

"Hi Ja!" masiglang bati din sa kanya nung isa sa likod ng counter na abala din sa pagliligpit doon

Nakangiting binati niya rin ang morning shift duo ng Purple Maccchiato. This two boys are actually nice kahit sandaling oras niya lang nakakasama ang mga ito sa araw-araw na pumapasok siya sa coffee shop. Nalaman din niyang mga talent trainees pala ito sa HOO pero nakaka-tatlong buwan palang ang mga ito and they need to undergo 3 years of training before they can debute. Requirements din nila ang makapagtapos ng pag-aaral at makakuha ng magandang grado kaya naman ganoon na lang ang supportang ginagawa ng amo nila dito.

She heard that Rockie can sing and dance well while Jin-jin is focusing on rapping but he dance too. They are actually an eyecatcher lalo na sa mga kabataang babae, their charm works very well in the coffee shop. Kaya ang madalas na dumudumog sa lugar na iyon ay ang mga teenager nitong tagahanga.

Naisip niyang napaka-hirap palang maging trainee sa kompanya ng amo niya. Ang taas ng standard at isa pa ang tagal nilang hasain ang mga talents bago isasabak sa industriya at nalaman niya ring nagsimula ang ganoong sistema sa termino ni Yuki.

'Grabe diba?! Best in high standard talaga ang ex-amo ko.'

Sa kabilang banda, worth it din naman ang ginagawa nito dahil lumago ng triple ang value ng kompanya simula ng maupo ito doon bilang CEO, at kung paano niya nalaman ang lahat ng ito ay dahil sa Marites na nagngangalang Meg.

Siguro nga'y mabuti na rin ang nangyaring wala na siya sa HOO. Hindi na niya kailangan madamay sa stress ng demanding niyang amo, minsan kasi napaka OA na nito. Kaya tuloy yung iba sa kompanya ay nagsisipag-alisan na lang.

But somehow she can't help feeling down-hearted about it. Kung hindi naman nangyari yung kanina ay hindi rin naman niya babalaking mag-resign dahil kinakaya naman niya. The thought of she doesn't have to make coffee for the Dragon or follow him around anymore makes her feel incomplete. 'Ano nababaliw na bako? Na-addict na sa pagiging alipin?'

"Ah oo eh, maaga kasi akong pinag-out kanina," pagsisinungaling niya sabay ayos sa salaming mumurahing binili niya kanina upang ikubli ang namamaga niyang mga mata dulot ng labis na pag-iyak. Hindi pa niya kayang aminin kahit na kanino ang kanyang sinapit, dahil hindi pa din niya alam kung paano ieexplain ang pagkatanggal niya sa trabaho.

"Ah ganoon ba," Napatango-tango naman si Rocky. "Wala nga pala si Boss may importante daw siyang lakad kaya mag OT na lang ako ng dalawang oras para may kasama ka mamaya," Nahihiya pero pinipigilang mangiti nitong balita sa kanya.

"Ah talaga ba? Thank you ah." Bahagya pa niyang tinapik ito sa balikat bago dumiretyo papuntang counter.

"Naku nagvolunteer talaga yan siya Janine! Ako dapat sasabihan ni Boss kaso, nagprisi-" hindi na nito natuloy pa ang sasabihin ng batuhin ito ni Rocky ng basahan na mabilis naman nitong nailagan at mapang-asar itong tinawanan na may kasama pang pangdidila.

Hindi niya napigilang mapatawa sa ginawa ni Rocky kay Jin-jin, para itong mga batang maliliit kung mag-asaran. Mabuti na nga lang walang mga customer nang mga oras na yun kaya nakakapagkulitan sila.

"Huwag kang maniwala diyan Ja, niloloko ka lang niyan!" mariing depensa nito habang pulang-pula ang pisngi at taynga na muling ikinatawa niya.

"Huwag mo ng itanggi Brad mukha ka ng kamatis!" muling kantyaw ni Jin-jin dito.

"Hoy sige ayaw mong tumigil? Isusumbong kita kay Teacher Ren mamaya, sasabihin ko may crush ka sa kanya kaya mali-mali ka sa dance routine natin!" balik na panakot nito na agad nakapagpahinto kay Jin-jin sa pang-aasar nito.

"Ito naman hindi na mabiro!" Tila ito naman ang biglang naging defensive at halatang guilty sa rebelasyon ni Rocky. Napakamot ito ng ulo at animo'y naging isang maamong tupa.

Panadalian niyang nakalimutan ang sentimyento niya dahil sa dalawang iyon na maya't mayang nag-aasaran at nagpapatawa. Ayon kay Jin-jin ay sinabi daw ni Rocky na may crush ito sa kanya. Feeling niya normal lang naman yung hangaan at humanga. Ang hindi tama yung umasa at pinasa kang may chance kay crush. Honestly he see Rocky as a younger brother since matanda naman talaga siya dito ng 5 years. Hindi nga niya maintindihan kung bakit hindi ate ang tawag ng mga ito sa kanya.

"Ah, Ja... kailangan ko nang mag-out," nahihiyang napapakamot sa ulo nitong sabi. Halos magdadalawa't kalahating oras na itong nag-OT dahil nilinis muna nito ang lahat ng lamesa at inilabas ang basura para sa kanya.

"Ah ganoon ba? Sige go! Kerry ko na toh! Kanina ka pa nga dapat ng out kaya." Alanganin napakamot din siya sa ulo, sa totoo nga lang nahihiya na nga siya dito dahil halos hindi naman siya nito pinagagalaw sa coffee shop. Tanging pagtimpla lang ng kape ang ginawa niya. Ito na nga rin ang naghugas ng mga pinag-gamitan niya. Kanina pa itong umaga, halos kalahating araw na ito nagtatrabaho tapos may klase pa mamaya.

Naisip niyang pabaunan ito ng dalawang Choco muffin na siya mismo ang nagbayad bilang pasasalamat sa hindi nito pag-iwan sa kanya.

Namula na naman ang taynga at pisngi nito ng abutin iyon. "Ah, thank you." Pinigil nitong mapangiti ng wagas. Bahagya itong yumuko bago mabilis na tumakbong palabas ng shop na ikinahagikgik niya.

Matapos ang dalawang oras na hindi masyadong busy ay sumapit na rin ang oras ng pag-sasara, akmang babaliktarin na niya ang open sign ng may dalawang lalakeng bumulaga sa labas ng pintuan.

"Ayyy kabute!" patiling bulalas niya, "Aiiish!!"

Maiinis sana siya mula sa ginawang pang-gugulat ng mga ito pero naglaho iyon ng parang bula nang sabay nitong ibaba ang mga mask na suot at sinalubong siya ng pamatay nitong mga ngiti, sabay kaway na parang mga batang paslit.

Napakagat na lang siya ng labi nang sumakit ang dibdib niya sa hindi makayanang pagpapacute ng mga ito. 'Jusme wagas!! I cannot!!'

Sinenyasan pa siya nito na buksan ang pinto dahil pirmeng natulala na lang siya sa mga ito. Kaya naman natataranta naman niyang pinagbuksan ang mga ito.

"A-anong ginagawa niyo dito?"

"I'll make a cup of coffee for your heart..." bungad ni Travis habang umaawit nang makapasok at bahagya pang ibinukas ang mga bisig at hinawak ang isa sa tapat ng puso nito habang feel na feel ang pagkanta na may papikit-pikit pa.

Tutuloy pa sana ito sa susunod na linya nang hampasin ito ni Jake sa balikat dahilan upang mapahinto ito at lukot na mukhang napahaplos sa sariling braso.

"For your head yun! Mali yung lyrics mo, imbento yan?" Nakasimangot na sermon nito.

Napahagikgik siya nang magmake face si Travis dito at umirap. "Perfect ka? Eh magkatunog naman," reklamo nitong pabulong, pero sabay ngiti nang bumalik sa kanya ang paningin. "Hi JA."

"Naligaw kayo ah..."

"Sa gabi na kasi kami nagkakape ngayon," nagpipigil na ngiting tugon ni Jake na talaga naman ikina-cute nito. Ngali-ngali na nga niyang pisilin ang mga pisngi nito pero syempre lintek ang ginawa niyang pagpigil sa sarili.

Hindi din tuloy niya mapigilang mapangiti. Goodvibes talaga ang hatid sa kanya ni Tom and Jerry. Sila naman talaga ang naging una niyang dahilan kung bakit tinanggap ang trabaho sa HOO, yung mga artistang tulad nila Travis at Jake na kahit sikat ay mababait pa rin at humble.

"Eh sarado na ko eh," Kunwari'y pinakuno't niya ang noo.

Sabay bumilog ang labi ng dalawa at parang mga batang paslit na pinalungkot ang mga mata sa kanya dahilan upang isuko niya agad ang gagawing pangtitrip sa mga ito. Hindi niya kaya, wala siyang kakayahang tanggihan ang mga baby niya.

"Charot lang," Sabay na napangiti ang dalawa at napakamot ng ulo. "Tara, dito na lang kayo sa tapat ng counter umupo," aya niya sa dalawa at naghatak ng dalawang highchair na mabilis na ikinatakbo ng mga ito upang tulungan siya.

"Anong gusto niyo?" nakangiting tanong niya sa dalawa nang pumunta siya sa loob ng counter at binuksan ang coffee machine.

Nakapangalumbaba ang mga ito at titig na titig sa kanya. Napataas tuloy ang dalawa niyang kilay at nagtatakang nagpalipat-lipat ang tingin sa dalawa.

"Oh, bakit ganyan kayo makatingin?"

"I think she cried a lot," nakangusong baling ni Travis sa katabi na wala sa sarili lang na napatango at nananatiling nakatitig sa kanya.

Napakuno't naman ang noo niya.

"We know that you quit." Jake's lips curled on its side showing sadness and disappointment.

'I did not quit, I was fired.' But she will not take the liberty to tell them if that's the way how that two jerk wants people to see it. Muli na naman kumirot ang dibdib niya. Isa sa mamimiss niya ay yung mga araw na nakakasabay niya ang dalawang ito magkape sa coffee station at yung mga kulitan nila doon.

Travis pouts. "Why did you quit? Wala na kaming ka-bonding sa coffee station," may kalakip na tampo sa tinig nito.

She opens her mouth but don't know what to say. She feels like if she would dare to say a word her tears will fall. Huminga siyang malalim ngunit sumabay naman doon ang pagbagsak ng isang matabang luha sa gilid ng mata niya at nagsunod-sunod na ito, making her sobs.

Natatarantang napatakbo ang dalawa papunta sa loob ng counter at sinubukan siyang patahanin.

"Sorry na... nalulungkot lang naman kami na nagresign ka," alalang ani Travis sa gilid niya habang hinahaplos ang likod niya.

"Is it because of Sir Yuki?" kuno't noong tanong ni Jake na bahagya pa siyang hinawakan sa magkabilang braso. "Is he being so mean to you?" Bumakas sa mukha nito ang pagkainis.

Lalo siyang naiyak nang marinig ang pangalan ng amo niya. Bakit ba siya nasasaktan? Hindi ba dapat ay maging ok na siya? Dahil mula bukas hindi na niya kailangan pang harapin ang mga taong iyon?

Naramdaman niyang niyakap siya ng dalawa at nalanghap ang kabanguhan ng mga ito. Parang mga bagong ligo, gabi na pero fresh pa rin. Oo at nalulungkot siya pero bakit bigla din siyang kinilig? 'Buset napaka praning mo Janine!' Sa gitna ng pag-iyak niya ay bigla din siyang napahagikgik. 'S***a baliw shet!' Ang hirap kaya yung tinatalo ng kilig yung pagsesenti niya.

Dahang-dahang bumitaw ang dalawa at kuno't noong napatitig sa kanya dahil sabay niyang ginagawa ang pag-iyak at paghagikgik. Kahit siya nawiwirduhan sa sarili, siya ba naman ang yakapin ng sabay nitong dalawa sa pinakasikat na superstars ng bansa at ubod pa ng gwapo tapos napaka bango din, makakaiyak kaba ng matino?

Nagkatinginan pa ang mga ito na animo'y nagdududa sa katinuan niya.

"Kaloka... ang gusto ko lang naman umiyak pero mas kinikilig ako sa yakap niyong dalawa," at muli siyang napatawa pero lintek na luha niya ay tuloy pa rin sa pag-agos. Kumuha siya ng paper towell upang punasan iyon at isinga na din ang bara sa ilong.

Hindi na rin napigilan ng dalawang kaharap niya na mapahalakhak at muli siyang pinagtulungang mahigpit na niyakap. Hindi siya makapaniwala ng mga sandaling iyon. hinahangaan niya ang mga ito, pero hindi din naman lalagpas bilang mga kaibigan ang turing niya dito.

Matapos niya itong gawan ng mga kape naisipan muna nilang mag-soundtrip at magkwentuhan habang siya naman ay nagsisimula ng magligpit sa likod ng counter.

"Sinong nagsabing nagresign ako?" wala sa loob niyang natanong sa dalawa habang pinupunasan ang mga baso.

"Hmmm... si Sir Jimiel," si Travis ang sumagot.

She scoffs. 'Wow talaga ba Jimiel?' Napailing-iling na lang siya.

"Nililigawan ka ba nun Ja?" biglang tanong ni Jake, dahilan upang mag-angat siya ng paningin dito.

He is seriously waiting for her answer and Travis looks kind of surprised by the sudden question.

'Asa! Echoserang baklita yun!' "Ah, ako liligawan? Mukha bang ako ang tipo na magugustuhan noon?" she akwardly laugh.

"Why not?" His eyebrow furrows. "You're beautiful, kahit nga sa mga ibang level ng building kilala ka, they know that Sir Yuki has a pretty Filekeeper."

"Weh! Joke yan?" At bakit naman siya magiging kilala, eh hindi naman siya Talent?

Ngumisi naman si Travis ng nakakaloko. "Alam nga din nilang crush kita."

Napakagat siya ng labi, at pinigil mangiti.

"Hindi naman niya tinatanong," mabilis na bara ni Jake dito, "Hindi na nga rin masyadong masungit si Boss Yuki, kaya akala namin ok ka lang," dagdag pa ni Jake nang ibalik sa kanya ang atensyon.

'Anong hindi?!! Hindi niyo lang alam!' Napasimangot naman siya.

"Totoo... kaya nga nagulat kami nung nalaman namin na nag-quit ka. Although hindi naman bago na laging palit ng palit ng Filekeeper si Boss," segunda ni Travis, "Pero kumpara mo naman sa mga nauna, ikaw yung pinaka-OK."

"Paano mo naman nasabing ako yung pinaka ok, aber?" She needs Travis to justify that compliment.

"Una, ikaw lang yung Filekeeper na hindi nabasagan ng baso, pangalawa, ikaw na ang laging isinasama niya sa pagrarounds hindi na si Meg, pangatlo, masipag ka at higit sa lahat kaya mong sakyan ang toyo ni Boss. Kaya ano ba kasing nangyari?"

Ayaw na niyang magkomento pa dahil malinaw ang babala ni Jimiel sa kanya. Walang dapat makaalam ng mga nangyari kanina. Hindi niya alam kung ano ang pwedeng magawa ng mga ito sa kanya kaya, kakalimutan na lang niya lahat ng nakita.

"Huwag na nating pag-usapan," she dismissed the topic immediately.

Kinuha niya ang mop at nagsimulang maglampaso.

Maya-maya ay nakita niyang nagpupunas yung dalawa ng lamesa na halos lundagin niya upang pigilan. "Hoy! Anong ginagawa niyo?!"

Sabay muling bumilog ang mga labi at mga mata nito. "Helping you out," sabay din nitong sagot.

"Aaiiish! Baka sakalin ako ni Boss Nasser pag nalaman nun na pinagpunas ko kayo ng lamesa dito!"

Sabay na bungisngis na ngumiti ito. "Hindi naman niya malalaman," Naisip niya kailangan talaga sabay sumagot?

Wala siyang nagawa sa pagpupumilit at kulit ng dalawa kaya hinayaan na lang niyang gawin ng mga ito ang gusto na nakabuti na rin dahil mabilis siyang natapos sa paglilinis.

Maya-maya pa ay tumugtog ang isang masayang awitin at nagsimulang sumayaw ang dalawa.

"This is my type of song!" hiyaw ni Travis at ganadong-ganadong sinayaw ang tugtugin at talagang kabisado pa nito ang choreography na hindi din nakatiis na sinabayan ni Jake.

"Woah!" Napatunga-nga na lang siya sa husay ng dalawa dahil sabay na sabay ang galaw ng mga ito. medyo nagblush din siya nang pakitaan siya nito ng sexy at cool dance moves.

Sa totoo lang alam din niya ang kantang iyon, "Superstar Glow" awitin ng isang Male idol group sa ibang bansa na sikat sa buong mundo.

Nagulat pa siya nang hatakin siya ng mga ito at pinilit isali sa sayaw na pinilit niyang sabayan kahit papaano naman kasi ay marunong siyang magsayaw. Nandyan yung parang isinayaw siya ni Travis ng pa-Tango at nang paikutin siya nito ay mabilis naman siyang hinatak ni Jake sa bandang baywang at isinayaw ng pa-Swing. Nakakahingal ang pinaggagawa nila pero talaga naman tuluyan niyang nakalimutan ang lahat ng mga nangyari kanina.

Halos mapuno ng tawanan nila ang buong coffee shop. Sabay sabay silang napasalampak sa couch nang matapos ito. Siya ang nasa gitna at nasa magkabilang gilid naman niya ang dalawa. Panadalian silang sabay sabay naghabol ng hininga at nang magkatingin ay sabay-sabay ding nag-sipag tawanan.

"Grabe kayo yata yung soulmates ko eh," natatawang sabi niya.

"Hindi lang Soulmates, Night buddies pa!" mataas na enerhiyang dagdag ni Jake.

"Keep shining, Keep gliding... knowing you can always run to me, Oh yes! That's what Frien-" hindi muling naituloy ni Travis ang inaawit nang batuhin ito ni Jake ng throw pillow sa mukha. "Aaaaiish!! Bakit na naman?!" nakabusangot na angil nito.

"Huwag ka na ngang kumanta! Mali mali talaga yung lyrics mo!"

"For good times..." itinuloy niya ang kanta with feelings.

"Woah! You can sing?!" Halos lumuwa ang mga mata nung dalawa sa sobrang amazement nang madiskubreng may tinatago pala siyang talento.

                                                                       ♪♪♪♪♪♪

"STOP the car," walang gana niyang utos sa driver.

Araw-araw niyang nadadaanan ito pero ngayon na lang ulit niya napagmasdan ng maige ang lugar na iyon.

It's not that he doesn't like to see his friend, but he wants to protect him. Acting like they never knew each other is the best way to give his life back. He knows that no matter what happens their friendship will always be there.

Sa totoo lang hindi naman iyon ang dahilan kung bakit niya ipinahinto ang kotse. Hanggang ngayon ay pala-isipan pa din sa kanya kung ano ba talagang pakay ng babaeng iyon sa kompanya niya at sa mga taong malapit sa kanya.

Nang lingunin niya ang lugar ay agad na nagsalubong ang mga kilay niya nang makita ang dalawa sa pinakatanyag niyang Talent sa kompanya.

"The hell are these two doing in this place?"

They shouldn't be loitering around the public on their own. It's too dangerous, especially now that there seem to be termites inside his company.

"Aiiiissh!"

He could see them dancing inside and having fun with... 'Janine?!' Agad na kumirot ang sintido niya ngunit muling natuksong panuorin ang mga ito.

They both look so close and fond of her. Gusto niyang isiping may hidden agenda talaga ang babaeng yun but she looks equally fond to them. They are laughing like they've been friends for such a long time.

But he can't lower her fence down, he needs to dig deeper and make sure that she is clean, or else she will have to deal with an Alpha's wrath.

Mabilis niyang dinampot ang cellphone at nag dial ng numero. Matapos lang ng dalawang ring ay sinagot na sa kabilang linya.

"Yes, bro?"

"Where are you?" kaswal niyang tanong.

"I'm at home. Why?"

He can hear the loud noise from the other side. Mukhang nanonood ito ng movie.

"Mga alaga mo asan?"

"Ha? Nasa condo na nila hinatid ko kanina."

"Can you make sure of that? Because right now, I'm watching them doing something stupid."

"What??!!! Where?!!!" tila nagulantang ang mundo nito sa sinabi niya. "Aiiiish!!! Lagot sa akin yan dalawang yan bukas!"

"Tell them the situation and to be extra careful. Malapit na ang launching we can't afford bad news for now."

"Aiiissh! Copy."