Chapter 41

Mischell's POV

"Tito sorry po," kinakabahang paghingi ko ng tawad kay tito tungkol sa problema ko sa iskwelahan, ngayon lang ako nagkaroon ng sapat na lakas ng loob upang makahingi ng tawad rito.

Ngayon lang kasi ito dumalaw sa hospital matapos ang buong araw kahapon, hindi ko makikita ang galit sa mukha niya dahil kalmado naman ito katulad ng madalas kong nakikita.

Kasalukuyan kaming nakaupo pareho sa isang sopa sa loob ng silid ni mama, pinauwi ko na rin muna si Aling Gemma sa kanila upang makapag-ayos din muna siya ng sarili dahil mukhang pagod na ito at walang sapat na tulog dahil sa pagbabantay rin sa hospital.

"Mitch 'wag na nating pag-uusap 'yan nangyari na ang mga nangyari, ang kailangan nating isipin ngayon ay ang mama mo nakausap ko na si Doc. Sanchez at kailangan daw ma-operahan ang mama mo upang maalis ang nakabara sa ugat ng puso niya."

"Iyon nga po ang sabi ni Doc."