I'm inlove with a PRIEST

I'M IN LOVE WITH A PRIEST

[General Fiction/Romance]

.

-----

[CHAPTER 16 - Part 1 of 2]

“Akalain mo nga namang dito lang pala kita matatagpuan.” Halos pabulong na turan nang kung sinumang estrangherong nakatayo sa aking likuran habang nanatiling nakatakip sa aking bibig ang isa n’yang kamay at ang isa nama’y mahigpit na nakahawak sa aking braso. “Alam mo bang matagal ka na naming gustong patayin?”

Binalot ng takot ang buo kong pagkatao dahil sa huling tinuran ng estranghero. Kung hindi ako nagkakamali’y tiyak akong siya ‘yong lalaking nakita ko sa loob ng convenience store. Isa sa mga antichrist na nakalaban nina Samuel. Namukhaan niya siguro ako.

“Pero sa tingin ko’y mas mainam kung bibihagin ka namin. Ikaw ang gagawin naming alas laban kay Adams.” Narinig ko pa ang mahinang pag-ngisi niya buhat sa aking likuran.

Sa totoo lang ay takot na takot ako ng mga sandaling iyon. Ni hindi ko nga malaman kung ano ang gagawin ko, subalit alam kong kailangan kong lumaban sa abot nang aking makaka