26

Inis na ibinato ni Chad ang phone sa desk. Tumunog iyon at nangangambang mabasag. Kanina pa siya nakatitig sa labas ngunit tanging sina Andoy lang ang naroroon. Napasadahan na niya ang mga designs ng condo na itatayo nila dito sa mismong Cagayan din, ipinadala through email ng kapatid niya, ngunit walang anino ni Van ang dumating.

Naiilang siyang magtanong kay Mikaela, napagtaasan niya ito ng boses kahapon. Napagbuntunan niya ng init ng ulo ang team nito. Ngayon nga ay dumiretso sa trabaho si Mikaela at hindi man lang nangumusta sa kanya gaya nang madalas nitong ginagawa.

“Nasaan ba ang landscaper mo?”

Napahinto si Mika sa pagdidikit ng wallpaper at napalingon sa kanya. Hindi na siya nakatiis pa.

“Absent siya ngayon.”

“Absent?” Tumaas ang tono niya. Baka nagtampo sa sinabi niya kahapon. Kinabahan siya. He was an idiot for acting so impulsively. “And why is that? May schedule tayong hinahabol.” He sounded serious at pilit tinatago ang baha