42

42

‘Di matantiya ni Vanessa kung gaano siya katagal nakatulog. Nagisnan na lang niya ang isang hindi pamilyar na silid. Bigla niyang natsek ang sarili. Ganoon pa rin ang damit na suot niya at wala siyang makapang kirot sa sarili. Katunayan ay maingat siyang nakukumutan habang nakahiga sa malambot na kama.

Sino ba kasi ang kumidnap sa kanila? Wala pa naman siyang pang-ransom. Si Edward pa siguro, meron. Kung may savings man siya, magkano lang baa ng aabutin niyon? At kung ipatutubos man sa mga kamag-anak, siguradong walang pakialam ang mga iyon sa kanya. Napasabunutan niya ang kanyang buhok. Ano ba kasing kamalasang nangyayari sa kanya? Simpleng dinner lang naman sana ang pupuntahan nila ni Edward.

“Edward?”

Bigla siyang nag-aalala sa lalaki. Ano na kaya ang nangyari rito? Baka sinaktan ito ng mga barumbadong dumukot sa kanila.

Dios ko.

Lumabas siya ng silid at inilinga ang paningin sa paligid. Sa kabila ng kinasadlakang sitwasyon ay na