47: Knife and Gun

“How’s your feeling?” I asked.

Kakagising lang niya at halata ang panghihina ng buo niyang katawan. Maputla ang kanyang mga labi at bahagyang ngangatal. “Tubig.” Mahina niyang sabi kaya agad naman ako kumuha ng tubig sa pitsel na nasa mesa malapit sa gilid ng kama.

Inalalayan ko siya na maka upo bago pinainom ng tubig. Nilagyan ko ng unan ang kanyang likudan upang suporta sa kanyang pag upo.

“Na-nasaan ang kambal?” Nagkatinginan kami ni Luke sa kanyang naging tanong.

“Nasa salas, naglalaro sila.” Sagot ko sa kanya. “Sorry sa abala Elle.” Ngumiti ako ng bahagya at umiling.

“Hindi ka nakakaabala, mabuti nga at dito mo naisipan pumunta.” Mahinahon ko na sagot.

“Nag-schooling na sila di’ba?” Tumango ako sa kanya. “Huwag na muna. Take them Luke.” Ngayon ay nakatingin na si Sashalyn kay Luke. “Sa malayo, malayong-malayo.” Nahihirapan na sabi niya at bahagya na inubo.

Lumapit ako sa kanya at hinaplos ang kanyang likod. “Magpahinga kana muna, kapag malakas kana tsaka mo na lang sabihin