Kabanata 64 Faded Memories

“Talaga po? Tu-tutulungan ninyo po ako?” hindi makapaniwala si Hanna sa nadinig. Isang anghel sa paningin niya ang matandang babaeng nakaupo sa wheelchair.

“Oo naman. Magaling ang apo ko na isang neurologist. Nag-aral siya sa ibang bansa. Kaso ay flight na niya dalawang araw mula ngayon. Kung gusto mo ay magpa-schedule ka na ng surgery. May alam akong ospital na kagaya ng nasa ibang bansa na may makabagong kagamitan. Ipinadala ko ang larawan ng CT scan mo at kailangan mo na nga daw ng agarang operasyon.”

Tumango siya. “Sige po. Handa po akong sumailalim sa operasyon. Makikiusap po ako na huwag na nating ipaalam sa pamilya ko. Kapag tagumpay ang operasyon ay makakabalik ako sa kanila. Kapag naman hindi ay pakikontak po ang kaibigan kong si Cali. Alam po niya ang gagawin. Ayoko pong lubos na umasa ngunit susubukan ko po.”

Pinilit niyang tumayo at may inabot na maliit na notebook na nasa kanyang bulsa sa matanda. “Kung anuman po ang mangyari sa akin ay nakasulat po ang impormasyon tungko