Kabanata 72 Beyond Good and Evil

Hindi makakapayag si Lola Rosa na makulong si Ethan kaya naman haharapin niya ang nasa likod ng pagdakip sa apo.

May nakatalikod na dalawang babaeng kausap ang mga pulis. Agad siyang lumapit upang hanapin si Ethan.

“Sgt. Antonio, nasaan ang apo ko? Huwag mong ipapasok sa selda si Ethan! Kilala ko ang apo ko, hindi siya masamang tao.”

Napatingin ang dalawang babae kay Lola Rosa.

“Mabigat po ang kaso sa apo ninyo. Sila po ang naghain ng demanda,” sabi ng pulis.

Nagkatitigan ang dalawang matanda. Natigilan ang mga ito.

“Miranda?”

“Rosa?”

“Hindi ba at sabi ko ay ayokong makakasalubong ang landas natin? Anong ginagawa mo dito sa bayan ng San Jose?” banat agad ni Lola Rosa.

“Bilog talaga ang mundo! Bakit kita iiwasan? Mukhang ikaw ang may kailangan sa akin ngayon!” sagot ni Lola Miranda.

Nagkatitig si Hanna sa dalawang matanda. Mukhang matagal ng magkakilala ang mga ito.

“At bakit kita kakailanganin? Magugunaw ang mundo ngunit hindi kita hihingan ng tulong?!”

“Rosa, matanda ka na, mapagtan