Kabanata 68 The Heart Never Forgets

Kailangan ni Ethan na mapalapit kay Bella. May gusto siyang tiyakin. Kaya kahit busy sa Unicorn Marketing Agency ay magiging driver siya nito. Para lamang naman siyang naghahatid at sundo ng asawa niya sa trabaho. At isa pa ay muli siyang sumaya simula ng makita ito. Biglang nagkakulay ang kanyang mundo. Kahit alam niyang mali na isiping si Hanna ang babae ay gagawin niya. Upang mapagbigyan ang kanyang pusong labis na nagungulila sa pagkawala nito.

Napaawang ang labi ng dalaga ng makita siyang naghihintay sa labas ng mansyon na nakatayo sa kanyang kotse.

“Ang aga mo ah. Tsaka hindi ka kailangang umarkila ng suit, trousers, and dress shirt. Kahit simpleng t-shirt ay okay na,” anang babae na tinignan siya mula ulo hanggang paa.

Kumunot ang noo niya. Tsaka lamang niya naisip na inaakala pala ni Bella na isa siyang pangkaraniwang empleyado lang. Napangiti siya. He liked it. Babaeng mayaman na posibleng magkagusto sa isang pobreng binata. Mula talaga ng mawala si Hanna ay nawala na siya sa