Kabanata 005

Jelly

Kinaumagahan ay dinala ako ng paa ko sa kusina, naalala ko ang nangyari kagabi at muling napailing

Matapos kasing mawalan ng malay si sir Anthony ay dinala ko siya sa kwarto niya para makapagpahinga na siya. 

"Jelly"

Liningon ko si Aling Berta habang abala ako sa paghuhugas ng mga plato sa kusina, kakatapos ko lang linisan ang ilang parte ng condo kanina at halos patapos ko na ang ilang gawain kahit wala pang alas dose ng tanghali.

"Po?"

Pumasok si Aling Berta bitbit ang mga bedsheets at ilang punda na unan, nanlaki ang mga mata ko

"Aling Berta, ako po ang nakatoka sa paglalaba ngayon ng mga bedheets at punda," taranta kong ani at baka nakalimutan niya lang kaya niya hawak ang mga ito

Tumawa naman siya at pinalo ang kamay sa hangin, "Ano kaba, pinalitan ni sir ang skedyul mo ngayon."

"Ano pong ibig niyong sabihin?" taka kong tanong at pinunasan ang kamay upang makinig ng mabuti sa sasabihin niya

"Ako ang inatasan ngayon ni sir sa paglalaba at ikaw naman ang sabi niya ay ang maglilinis ng opisina niya--- oo nga pala naroon siya ngayon, pinapatawag ka niya saakin at mukhang may kailangan," 

Pagkatapos niyang sabihin iyon ay agad din siyang umalis 

Ano naman kaya ang kailangan niya ngayon? Saka, naalala niya kaya ang ginawa niya kagabi? Sana hindi niya na ito maalala para walang hiyaan sa pagitan namin 

Minadali ko namang tinapos ang mga hugasin bago nagtungo sa opisina niya, nuong una ay hindi ko alam na may opisina siya sa condo niya pero sa lawak nito ay hindi na nakapagtataka 

"Sir, pinatawag niyo raw ho ako" bungad ko matapos kumatok ng tatlong beses at binuksan ang pintuan 

Nagulat ako ng makita ang seryoso niyang mukha habang nakaupo siya sa kaniyang swivel chair at nakasandal ang dalwang kamay sa lamesa, naka white shirt naman siya ngayon at may suot na salamin 

Bigla akong napalunok dahil ngayon ko lang muli nakita ang seryoso niyang mukha, bumaba ang tingin niya sa aking katawan at tumigil iyon sa aking dibdib 

Nakasuot ako ng maid uniform ngayon 

"You're wearing your bra right?" 

Mas lalo atang nanlaki ang mata ko sa kaniyang sinabi at napatakip ng kamay sa aking dibdib 

Bigla namang nawala ng seryoso niyang mukha at napalitan ito ng libang, mukhang natuwa siya sa naging itsura ko at nagawa niya pang mahinang tumawa. Salampak siyang sumandal sa kaniyang upuan at pinagmasdan ako 

"I-iyan lang ba ang tatanungin mo?!" medyo inis kong tanong habang nakanguso 

Hindi parin ba mawala sa isipan niya ang dibdib ko? Lalo na at minasahe niya pa ang u***g ko kagabi, kainis!

"No, pinatawag kita kasi may itatanong ako" aniya at umayos ng upo 

Lumapit ako ng kaunti, "A-ano yun?" 

"Ikaw ba ang nagdala sakin sa kwarto ko kagabi? You see, last night I had a little drink at hindi ko namalayan na nalasing ako," aniya at mariin akong tinitigan sa mata 

Namula akong muli ng maalala ang nangyari, ayokong malaman niya na ako nga ang nagdala sa kaniya kagabi sa kwarto at baka maalala niya rin ang ginawa niya kagabi 

Baka mamaya ay tanggalin niya ako bigla sa trabaho o kaya mas malala pa, paano kung may jowa o asawa pala siya at nalaman iyon? baka sugurin ako dito, kaya mas mabuti nang lumayo ako sa gulo 

"H-hindi po ako sir, tulog na po ako non. Baka yung babaeng kasama po ninyo o baka si ling Berta po," aniko at ngumiti ng pilit 

Tumaas ang isa niyang kilay at mukhang hindi nadala sa sinabi ko, nagtagal din ang titig niya na parang may hinihintay pa pero kalaunan ay bumuntong hininga siya 

"I see, you may now go" 

Matapos niyang sabihin iyon ay umalis na rin ako

Nakahinga rin ako ng maluwag dahil hindi niya maalala ang nangyari kagabi

Mabuti naman

Buong maghapon ay sinubukan kong maging busy sa ibang gawain, tuwing tinatawag ako ni sir Anthony sa kaniyang opisina ay hindi na ako masyadong nagsasalita lalo na at mukhang busy rin siya

Bakit nga ba hindi pumasok ito sa kompanya niya? Parang work at home lang ang ginagawa nito, hindi kaya magagalit ang boss niya?

Natapos ang ilang gawain at inaya naman ako ni Aling Berta mamalengke, agad akong sumang-ayon lalo na at ayaw kong maiwan mag-isa kasama si sir Anthony

Baka kasi mauwi sa kama!

"Ngayon ka lang ba nakarating dito sa Manila Jelly?," tanong saakin ni Aling Berta habang mangha akong nakatitig sa mga dinadaanan ng sasakayan

"Opo Aling Berta, first time na first time" aniko habang nakangiti

"Aba dahil diyan, ililibre kita mamaya sa Jollibee pagdating natin sa bilihan" tawa niya kaya mas lalo akong napangiti

Madaming sasakyan at mas lalong madaling building pala sa Manila, ngayon ko lang ito nakita dahil sa probinsya namin ay puro simpleng bahay at puno lamang ang makikita roon

Kung hindi naman ilog ay mga bundok ang naroon, hindi katulad rito sa Manila na mukhang walang space para sa mga bundok at ilog

Bigla kong naalala ang kapatid ko na si ysabelle na nasa hospital at nalungkot, sana makita niya rin ito kapag nakalabas na siya sa hospital

Tanging siya nalang kasi ang pamilyang meron ako, simula ng maipanganak ang kapatid ko. Namatay na si nanay at nawala naman ang tatay ko, kalaunan nalaman ko nalang na namatay siya dahil sa alak

Kaya gagawin ko ang lahat para hindi mawala saakin si ysabelle, malaki ang perang kailangan kong ipunin upang gumaling siya sa sakit niya pero kahit ano ay gagawin ko para sa kaniya

Kahit ibenta ko pa ang katawan ko!

Pagdating sa pamilihan ay hindi kami nagsayang ng oras ni Aling Berta at binili ang ilang kailangan

"Bakit kakaunti lang po ang grocery na bibilhin natin Aking Berta?" Tanong ko ng makitang halos pangdalawang tao lamang ang mga pinamili namin

Eh tatlo kami sa condo!

"Ahhh hindi mo nga pala alam, si sir ay bihira lang sa kaniyang condo. Palagi iyong umuuwi sa sarili niyang bahay, namamalagi lang siya sa kaniyang condo kasi mas malapit ito sa kompanya niya," aniya habang binabayaran ang bill sa counter

Kumunot ang nuo ko, "Ilang linggo po ba siyang mamamalagi sa condo bago umuwi sa bahay niya?"

"Anong Linggo ka diyan? Araw lang ang pinapalipas niya bago umuwi sa bahay niya,"

"Ilang araw po?" Tanong ko muli

"Isa o dalawang araw," ani nito at nahulog ang panga ko

"E-eh pero halos mag a-apat na araw na siya sa condo," aniko sa gulat

"Kaya nga eh, doon din ako nagtataka kasi dati halos hindi na niya pinapalipas ang isang araw bago umuwi sa sarili niyang bahay. Malay ko diyan kay sir at biglang nagbago ang ihip ng hangin sa kaniya,"

Habang namimili kami ng ilan pang gamit ay iyon din ang nasa isipan ko

Bakit nga ba hindi pa siya umuuwi sa bahay niya at nanatili parin siya sa condo hanggang ngayon?