105.

Kinuha ni Bryle ang pagkakataon na kausapin si Aimee ng umalis si Amber ng kwarto. Nang masiguro ng lalaki na walang makakakita ay hinaklit agad niya ang braso ng bata.

“Bakit bumalik ka pa ha? Hindi ba’t sinabi ko sa’yo na hindi ka na kailangan rito?” Galit na tanong ni Bryle, nagpipigil lamang ito na huwag magtaas ng boses.

“Sino ka po? Hindi po kasi kita maalala? Saka ano po ang ibig mong sabihin?” Inosenteng tanong ni Aimee. Kumunot ang noo ni Bryle kaya naman lihim na napangisi ang bata. “Sorry po ha, pero ang sabi po sa akin ni mommy ay ikaw po ang daddy ko. Totoo po ba?”

Nagulat si Bryle. Kailanman ay alam niyang hindi iyon sinabi ni Alena sa anak nito na siya ang ama nito dahil hindi nito gusto na magsinungaling. Pero ngayon ay mukhang naiba na ang takbo ng utak ni Alena. Bakit bigla nitong sinabi sa anak nito na siya ang ama nito? Napangiti si Bryle. Mukhang natatanggap na siya ni Alena para sa kanilang mag ina. Mabuti naman dahil inip na inip na siya.

Walang naaalala si