CHAPTER FIFTHTY-FIVE - ESCAPE

KATE'S POV

         Pakiramdam niya ay masakit ang kanyang buong katawan at ulo, nang bumalik ang malay ng dalaga. Pakiramdam yata niya ay nahampas s'ya ng isang matigas na bagay, sa sobrang pananakit ng katawan.

      Dahan- dahan niyang iminulat ang kanyang mga mata, ngunit ang maputing kisame ang bumungad sa kanya. Nang tangkain niyang itaas ang kanyang kamay, ay napigil iyon dahil sa nakatali ito sa likuran niya. Saka lamang muling nanumbalik sa kanya ang mga nakaraang nangyari, ng makitang nasa isang hindi pamilyar na lugar s'ya. Iba ang k'wartong kinaroroonan niya. Parang abandonado ito, at mukhang matagal ng walang nakatira. May ilang mga sapot- sapot sa kisame, at walang kahit na anong kagamitan ang naroon. Bigla niyang sinipat ang kanyang sarili, at natuklasang naka higa lamang s'ya sa sahig na may saping karton. Kaya pala matigas ang pakiramdam niya, at nahirapan s'yang gumalaw. Nang ilibot niya ang kanyan