CHAPTER FOURTY-ONE - DRUNK

KATE POV

        Madilim na ang paligid ng mag pasya na lumabas ng sarili niyang silid si Kate upang mag pahangin sa may baybay dagat. Maliwanag noon ang sinag ng buwan kaya hindi sya mahihirapan na mangapa ng kanyang daraanan.

       Aaminin niya na gulong gulo pa rin ang utak niya sa ibang mga bagay na sinabi ng kaibigan ni Rainier na si Direk. Kahit naman siguro sino ay hindi madaling ma po- proseso ang mga nalaman ng ganoon kabilis. 

     Hindi pa rin naman sya kumbinsido na baka ginagamit nga lamang talaga sya ng kanyang bestfriend. Alam niya na hindi mangyayari iyon dahil sa tagal ng pinagsamahan nilang dalawa. 

      Ngunit talaga nga ba na posibleng may iba pang itina tago sa kanya ang kaibigan? Oo nga at palagi niya itong naka kasama at nakikita ngunit ni minsan ay hindi naman sya inaya nito sa mga lugar na pinu puntahan nito.