Chapter5

"He promise me before na babalikan niya ako at pinanghawakan ko iyon. Ilang taon akong nag tiis para sa kanya. Naghintay ako pero mukhang wala na pala akong hihintayin," ani ko na lumuluha habang umiinom. Tumigil ako sa pagsasalita ng dumating ang order namin, mataman akong tinititigan ng mga kaibigan ko na hindi makuha ang gusto kong ipunto.

"Nandito naman na siya diba... anong problema doon?" Tanong ni Cheska na naguguluhan.

"Yah nandito siya pero ang tanong kilala pa kaya niya ako. Ni hindi nga siya nagpakita sa akin simula ng dumating siya. Sabihin niyo nga sa akin hindi ba ako karapat dapat sa kanya," sabi ko sabay inom ng sunod sunod.

"No, you are...you loved him the most and mahal na mahal ka din niya," pang aalo ni Cheska.

"Siguro dahil busy siya sa ngayon at di ka pa maharap. Alam mo naman ang mga baguhan sa business kaylangan niyang tutukan yun ng mabuti," sabi din ni Aya na pinapakalma ako pero talagang sasabog na ako.

"Dalawang buwan na siya dito, hanggang ngayon ba naman busy pa rin siya. Ginawa ko ang lahat para sa kanya. Mahal na mahal ko siya best friend pero mukhang hindi niya na ako mahal ngayon. Ang sakit sakit," umiiyak kong sabi dito.

"Don't say that...puntahan natin at para makapag usap kayo," ika naman ni Cheska na natataranta na sa akin.

"Hindi niya na ako mahal bess...Kung talagang mahal ka ng isang tao gagawa at gagawa iyon ng paraan para magkausap kayo," ani ko na sisinghot singhot.

"Sandali nga bestfriend...bakit ba lagi mong sinasabi na hindi mo siya mahal? Ano bang nangyari? May iba na ba siya," sunod sunod na tanong ni Aya. Napahagulgol ako sa narinig, binigay ko sa kanila ang aking cellphone at pinakita doon ang nakita ko.

"Let me see," ani Cheska sabay agaw ng cellphone at binasa ang naka caption na nakita ko kanina "heto na ba ang girlfriend ng isang William Dames na hinahangaan ng lahat," malakas na pagkabasa nito.

"Patingin nga," ika naman ni Aya binasa ito sabay tingin sa akin. 

"Bess huwag kang magagalit sa sasabihin ko ha. Baka naman kinalimutan ka na niya, diba sabi mo natigil lang ang pag uusap ninyong dalawa makalipas ng dalawang taon. Hindi na ba yun nasundang muli," Cheska said. 

"Tumigil ka nga diyan gaga ka. Baka naman kasamahan lang n-" hindi pinatapos ni Cheska ang sinasabi nito.

"Huwag mo akong pigilan Aya. She need to know na hindi na siya mahal ni William dahil kung mahal siya nito kahit na ipagbawal man ng magulang nito gagawa at gagawa siya ng paraan para magalikan sila," supalpal nito kay Aya. Tinamaan ako sa kanyang sinabi, lumuluha ako pero kaylangan kong tanggapin ito.

"Kita mo nga sa picture ang sweet sweet nila ng babaeng yan samantalang ang kaibigan natin ni hindi  man lang makamusta. Almost two months nang nandito pero wala man lang ginawa para magkita sila tapos makikita mo sa balita na may kasamang iba. Anong mararamdaman mo? " dagdag pa nito.

"Naku, mukhang ekis na din ito sa akin. Gwapo nga mapaglaro naman," bulong niya pa na narinig din naman namin.

"Minahal ko siya ng higit pa sa buhay ko pero bakit ganon siya. Hinintay ko siya hanggang sa malapit na akong malagpasan ng kalendaryo tapos ganun lang ang makikita ko," umiiyak kong sabi.

"Ano ngayon kung malagpasan ka ng kalendaryo? Si Aya nga malapit ng mawala sa kalendaryo pero yan pa rin siya manang na manang," natatawang sabi ni Cheska sa amin.

"Bwisit kang animal ka....Buti nga kami nagka jowa, ikaw kaya walang magkagusto sayo dahil sa kaartehan mo," ika naman nito kay Cheska. Nawala tuloy ang drama ko dahil sa mga gaga kong kaibigan.

"Kung kagaya din lang ng mga naging shota ninyo...naku huwag na lang, hindi ko pinangarap hhhmmmmpp," maarteng sabi ng gaga.

"Huwag ka ng umiyak diyan best friend, hindi siya kawalan sayo. If I were you maghanap na lang ako ng iba. Huwag mong sayangin yang alindog mo sa taong ayaw naman sayo," sabat na naman ni Cheska. Nagpunas ako ng luha at nawala ang bigat ng nararamdaman ko.

"Tama bess...inom na lang tayo...lets cheerrsss para sa kalayaan ng aming magandang kaibigan," papungay pungay ng sabi ni Aya. Wala pa atang dalawang beer ang nainom nito may tama na.

""Cheeerrsss...tara isayaw na lang natin ito para makahanap agad tayo ng gwapo," Cheska said at inaaya kaming dalawa ni Aya. 

"I can't kayo na lang. Nahihilo na ako," sabat naman ni Aya.

"Hindi ka kasi sanay uminom. Sige dito ka na lang at sayaw kami ni Jam," ani nito na malakas na ata ang tama ng alak sa kanya. 

Nagpatianod naman ako dito ng hilahin niya ako sa stage. Nagsayaw kami ng nagsayaw doon na parang baliw. Wala na akong pakealam kung mahipuan man ako basta kung may gustong makipagsayaw sa akin go lang ng go. Gumigiling kami ni Cheska at nagtatawanan ng bigla akong nahilo. Napatutop ako sa aking bibig ng maka amoy ng masangsang na amoy. Nasusuka akong tumatakbo papuntang bathroom, hinawi ko ang mga napakaraming tao na nadaraanan ko.

Hindi ko na pinansin ang mga nakatingin sa akin lakad takbo ang ginawa ko hanggang sa makarating ako sa CR. Pagka bukas ko ng pinto nagsuka agad ako sa sink nito. Halos maisuka ko na lahat ng kinain ko, I open the water at nag mumog pagkatapos kong magsuka. Nanghihina akong napasandal sa dingding at napapikit. Hinihintay kong humupa ang pag ikot ng aking paningin, nahihilo ako na ewan. Nasa ganoon akong hitsura ng biglang may tinig akong marinig sa tabi ko. Hindi lang basta tinig iyon sa akin, boses yun ng pinakamamahal kong si William.