Chapter 62

KINABUKASAN ng umaga ay muling inatake ng pagkahilo si Monica at nagsuka. Inalalayan pa siya ni Federico papasok ng banyo at panay ang hagod sa kan’yang likod.

“Kaya mo bang bumiyahe?” tanong nito.

“Oo, mamaya kakalma rin ang sikmura ko. Magpapahinga lang ako saglit. Asikasuhin mo muna si Kenji,” aniya. Naghilamos na siya.

Iginiya rin siya ni Federico pabalik sa kama. “I will prepare our breakfast,” anito nito nang mapaupo siya sa kama.

“Sige. Gusto ko lang ng mainit na sabaw at kahit nilagang itlog lang,” aniya.

“Okay. Dadalhin ko na si Kenji para hindi ka maabala.”

Lumabas din ang mag-ama.

Humiga siyang muli sa kama at kinuha ang kan’yang cellphone. Sinagot niya ang sandamakmak na chat ng kan’yang tiya. Nag-aalala na ito sa kan’ya. Hindi pa niya nasabi rito na nakauwi na sila ni Kenji. Nagbabalak na itong susugod doon sa bahay nila. Nalaman nito na na-kidnap sila dahil tumawag si kay Federico.

Nawala rin ang hilo niya at sakit ng ulo. Nakaidlip siya ulit at ginising lang siy