43 - Lipat Bahay

Charlotte's POV

Kanina pa siya nakaupo sa lumang upuan sa isang maliit na kwarto rito sa likod ng bahay ni Elijah. Parang storage room na puro panglinis sa labas ng bahay. Nagtaka nga siya kung bakit pinapunta siya rito ni Elijah no'ng una, pero nagbigay naman ito ng dahilan sa kanya. Ang kotse pala sa labas na hindi familiar sa kanya ay isa sa tauhan nito sa kumpanya, kaya kailangan niyang magtago.

Napatampal siya sa binti niya nang may isang lamok ang dumapo, maraming lamok dito sa labas.

Tumayo siya at sumilip sa labas. Wala pa siyang nakikita na papunta rito para sabihan siya na pumasok na ng bahay. Ang tagal ata nung tauhan ni Elijah sa loob?

Uupo sana ulit siya, pero biglang bumukas ang pinto. Lumingon siya at nakitang si Elijah iyon na may pawis pang pumatak sa gilid ng pisngi nito.

Kumunot ang noo niya. "Ayos ka lang ba? Tumakbo ka ba papunta rito?"

Umiling naman ito sa kanya saka lumapit. "Sorry kung natagalan."

Maliit naman siyang ngumiti. "Ayos lang naman." Tumitig ito sa