Chapter 39

        Nagising si Kristel nang madaling - araw nang makaramdam ng paghalukay sa kanyang sikmura. Marahan siyang bumangon upang hindi magising ang katabing si Allaire na mahimbing na mahimbing ang tulog. Mukhang napagod sa pakikipagkulitan at pakikipaglaro sa kanyang ama.

        Dahan dahan niyang tinawid ang distansiya ng kama sa banyo. Pagpasok na pagpasok niya roon ay agad na bumaliktad ang kanyang sikmura. Nagduduwal siya bagaman wala naman siyang mailabas na kinain. Nang makatapos at mahimasmasan, saglit muna siyang tumigil at pinakiramdaman ang sarili. 

        Tinahak niya ang daan patungo sa side table at mula sa loob ng bag ay kinuha roon ang kabibili pa lamang niyang pregnancy test kit. Bagaman may palagay siyang buntis na siya, mas ninanais pa rin niyang makasigurado sa kanyang kondisyon.  Gusto na niyang kumpirmahin ang hinala. 

        Mabilis niyang isi