Mr. President Cheated That Day

"Oo, Millie, s-siya nga,"

Pumaywang ako habang tumatango kay Linda. Pinanliitan ko ng mata ang dalawang haliparot na nakaupo sa bench sa ibaba. Dito pa talagang naglalampungan. Tama ba 'yon sa mga single?

Nako kung papatagalin pa namin 'to, maabutan kami ng susunod na klase! 30 minutes lang ang breaktime namin kaya dapat maging matagumpay ito! Mabuti na lang iilan lang kaming nasa room. Kaunti lang ang makakasaksi sa panibagong kalokohan ko.

"Anong tinutunganga mo d'yan? Napalitan na ba ang gagamitin nating armor? Baba mo na ba? Oh akin na, matulis naman.” Sinenyasan ko siya na lumapit pero nanatili siyang tuod sa pwesto niya. Umangat lang ito ng tingin. Ano ba naman 'to!

"M-Millie... s-sigurado ka na ba? S-She's Crizalda Montemayor. Ang anak ng-"

Mas lalong sumama ang mukha ko. Biglang kumulo ang dugo ko from head to toe. Siguro kung may period lang ako ngayon, isang nagbabagang dugo bubulwak sa akin. Humakbang ako palapit sa kaniya. Tinuktukan ko ang malapad niyang noo. "Ngayon natatakot ka ng gantihan ang gagang 'yun dahil ngayon lang nag-sink in sa maliit mong kukute na anak siya ng ISANG DEAN?! Saka ikaw ang humingi ng tulong sa'kin para mapuksa ang insekto na 'yun, tapos ngayon mag-ba-back out ka?!" Pumaywang ako sa harap niya.

Napayuko na naman ito. Argh! Letse naman!

"Bahala ka diyan!"

Kinuha ko ang basurahan na nasa tabi niya at saka humarap muli sa bintana para masulyapan ang dalawa sa ibaba kahit na masakit sa mata.

Ayokong umatras sa laban na 'to. Planado na ang lahat. Isasagawa na lang. Saka kung susundin ko siya, magiging balewala ang plano ko.

Bumwelo na ako. Itatapon ko lang talaga ang basurang hawak ko at kapag hindi ako nakuntento syempre hindi ako titigil!

Mariin ko silang tinitigan. Nakuha pa nilang magyakapan. Talagang tinakasan na sila ng hiya sa katawan. Mga tanga lagot kayo sa akin! B****a naman yayakap sa inyo! Isang mang-aagaw ng jowa at isang nagpa-agaw.

Itinaas ko na ang b****ahan na punong puno ng b****a. Since breaktime na, madaming estudyante ang nagkalat sa ibaba kaya siguradong masasaksihan nila ang gagawin ko. Hindi na ako nagpatumpik tumpik pa, baka umentra pa si Linda kaya mabilis ko nang itinapon ang b****a sa ibaba.

BOOM.

Sakto at hindi sumablay!

"Yes!" Success!

Mabilis na naglapitan ang ilang kaklase ko sa bintana. Tawang tawa ang iba at proud pa sa ginawa ko. Nakakainis lang talaga dahil may iilan na ang sama na naman ng tingin sa akin. Sinamaan ko din sila ng tingin. Ganiyan talaga, may mga taong ayaw sa’yo. Kahit nga wala ka pang gawin, naiinis na sila sa’yo. Pwe.

Mabilis na lumayo ang dalawa sa isa't isa. Sabay silang tumayo at tumingala sa floor namin. Maski ang ilang estuydanteng nakasaksi sa ibaba ay tumigil saka lumingon sa amin.

"MILLIE!"

Tumakbo palapit sa akin si Linda at tumingin sa ibaba. Napatakip ito sa bibig nang lumingon sa akin. Umiling siya bago kumaripas ng takbo at iniwan ako.

Umirap lang ako sa hangin.

"WHAT THE HELL IS YOUR PROBLEM?!" dinig kong sigaw ni Criza kaya bumalik ang tingin ko sa kanila. Tinatanggal na niya ang b****ang dumikit sa uniform niya. Habang ang lalaki naman ay busy sa pagpunas ng ilang likidong dumikit sa uniform niya. Nagkalat ang b****a sa buong paligid. May sumabit pa sa puno at napunta sa mga halaman.

Napangisi ako habang pinagmamasdan sila. Walang pinagkaiba sa b****a!

Nagsimula ng magbulungan ang mga estudyante at maglabasan ng kani-kanilang phone upang i-video ang nangyayari. Tama iyan!

“I'LL TELL YOU TO MY DAD! YOU B*TCH!" muli niyang sigaw.

Saglit akong natawa."Ang sakit niyo kasi sa mata. Hindi ko lang natis. Kumusta? Mabaho ba? Wala naman pinagkaiba iyan sa ugali niyong dalawa.” Ngisi ko.

Bineletan ko pa siya para mas lalo siyang mainis. I won kaya para mas maging intense ang pangyayari, sunod kong itinapon 'yung pangalawang batch kung saan mas marami ito kumpara nung nauna. B****a 'to ng kabilang room. Halatang walang basurahan sa bahay kaya dito naghahasik ng mga kalat nila. Mga balahura.

Patuloy lang ako sa pag-make face sa kanila. Inis na inis si bruha at wala naman pakialam ang lalaki. Pinipigilan niya pa si Criza na magwala. Hindi siya maawat noong una pero nang maagaw ang atensyon nilang dalawa sa bagong dating ay agad na tumakbo si Criza doon.

"Millie! Si Cadence! Bagong president! Tapos ka na, baliw!” Tapik sa akin ng kaklase kong si Dorothy. Tinuro niya ang lalaking naglalakad palapit sa dalawang binuhusan ko ng b****a. May kasunod ito sa likuran na isang lalaki at babae. Saglit na kumunot ang noo ko.

"Bagong president?” Hawak ko pa din ang trashbin habang nakatingin dun sa lalaking nakasalamin na matangkad. Presidente ng student council? Siya ba ang nanalo?

Biglang tumahimik ang lahat at unting-unti nagsialisan sa ibaba.

Seryoso ang awra nito nang tumigil sa harp ni Criza.

"C-Cadence!"

Napamura ako sa hangin nang biglang ngumuwang parang tyanak si Criza sa harap niya. Mukhang close sila, ah!

Pinasadahan niya ito ng tingin. Gayundin ang lalaking nananahimik sa likod ni Criza. Pagkatapos ay lumipat ang tingin sa paligid na puno na ngayon ng b****a.

Napahilot ito sa sentido. Tumaas ang kilay nito. "What's this chaos all about?!" Nagsilabasan ang litid nito sa ulo na siyang nagpamula sa buong mukha niya.

At hindi talaga nagdalawang isip si Criza na ituro ako. Sabay sabay silang tumingala.

Mas lalong sumama ang mukha ng lalaki nang magtama ang paningin naming dalawa. Tinaasan ko lang siya ng kilay. Hindi porke’t may itsura ka, mapapaamo mo na ako!

"YOU!" Turo niya sa akin. "IN.OSC.NOW!" may diin ang bawat sigaw niya kaya nagulat ang mga kaklase ko at nagmadaling nagsialisan sa bintana saka bumalik sa kanilang mga upuan.

(OSC- Office of Student Council)

"Millie! Suko ka na! Deds ka d'yan!"

"He's not what you think! He's scary than Barunggong!

"Magtago ka na, ngayon pa lang!”

Bakit ba ako nagkaroon ng mga kaklaseng mga duwag?!

Hindi ko sila pinansin at nakipaglaban pa ako ng titigan sa kaniya. Sorry siya, hindi niya ako mapipigilan.

Pinatong ko sa upuan ang trashbin para ayusin muna ang sarili ko. Nang sumilay ang ngisi ko sa mukha ay hudyat na iyon na ang huling bala ko sa laban na ito.

"MAMA MO OSC!"

Hinagis ko ang bin at hindi ko inasahan ang sunod na nangyari. Nanlaki ang mata ko nang sumuot ito sa ulo ng lalaki. Wala naman akong babatuhin! Pantakot lang iyon pero bakit hindi kasi siya umilag?!

Mas lalong nagulat ang mga tao sa ibaba. Agad siyang tinulungan ng kaniyang mga alila sa pagtanggal ng bin sa ulo. Nang matanggal ay natawa ako. Dumikit ang ilang natirang maliit na kalat sa buhok niya. May mga likido ding tumutulo mula sa ulo at uniform nito. Mukhang siyang pulubi! Pfft!

Sari-saring mura ang natanggap ko sa mga kaklase ko. Pero 'yung iba ay natatawa din sa itsura niya ngayon.

"Shet."

Tumigil ako sa pagtawa nang magsimula na itong magmartsa papasok sa building namin. 

Lagot na ako!

Mabilis na akong tumalikod upang maghanap ng tataguan ko.

"Lagot ka na naman sa nanay mo," dinig kong sabi ni Caroline na prenteng nakaupo lang sa gilid habang nagkukutkot ng maduming daliri.

"Mas lagot ka sa'kin kapag sinumbong mo 'ko!"

Kumaripas na ako takbo palabas nang mapagtanto kong wala akong matataguan sa room naming maliit at mabaho. Ano nga ba ang aasahan ko sa room namin?! Hindi din naman ako tutulungan ng bestfriend ko! Kung nanidto lang sina Mia at Hannie, sila ang tutulong sa akin!

Paglabas ko ay agad akong umakyat ng 4th floor. Pero talaga naman, nakakandado ang mini gate doon. Bwisit!

Muli akong bumaba at tinahak ang hallway namin. Kumaway pa ang ibang mga kaklase ko at good luck daw sa akin. Mga siraulo talaga!

Nang lumiko ako ay automatic akong napatigil.

Saktong nakita ko ang aking love of my life na paakyat sa floor namin.

Nanlaki ang maganda kong mata. Bigla tuloy akong napatingin sa itsura ko. Agad kong pinunasan ang buong mukha ko at iginilid sa tainga ang mga harang na hibla sa mukha ko. Mahirap na kapag nagkamalan akong dugyot!

Magpapakyut lang naman ako sa kaniya tapos gogora na ako agad!

Nang makatungtong na siya floor namin ay agad siyang nag-angat ng tingin. For the 2nd time, hindi lang nanlaki ang mata ko kundi napanganga din ako nang ngumiti siya!

Ngumiti siya sa akin! I swear! Hindi ako assumera!

Pakshet! Totoo ba 'to, G?! Hindi ako nananaginip?!

ILAN KAYA GUSTO NIYANG ANAK? Ako, okay na sa lima!

Napapikit ako nang tumigil siya sa harap ko. Hindi ako handa sa liwanag na dala niya. Nakakasilaw. Pati ang pabango niya, sumusuot sa lahat ng butas ng katawan ko. Tila'y gusto akong angkinin. Argh! Hindi naman ako magpapapigil!

"You're from Humss-B, right?"

Mabilis akong napadilat. Hindi lang niya akong nginitian. Kinakausap din ako ng isang Calum Montenegro?!

Mabilis akong tumango. "O-Oo, Celem," pabebe kong sagot saka mahinhin na inipit ang buhok sa tainga ko.

His body. His face. His smile. His voice. His clothes. His shoes.

Wala akong mapintasan.

Tumawa siya at lumabas ang dalawang dimples nito na laging dahilan upang maging mas maliwanag ang paligid.

Kakaiba. Wala siyang pinagbago. 2 years ko na siyang crush at patuloy niya pa din akong binabaliw sa mga simpleng kilos niya. Vice President na outstanding student pa. Halos nasa kaniya na lahat. 

2 years na din akong humihiling kay G na mapa sa'kin ang lalaking 'to. Kaya lang hanggang ngayon hiling pa din. Pangarap ko pa din siya!

"All right. I'm glad I've bumped into you. I just need someone from that class. So, if you don't mind, can we go to OSC right now?" nakangiti niyang tanong.

"Kahit sa langit pa, basta ikaw ang kasama."

"Ha?"

Hatdog.

Umiling ako at ngumiti. "Tara?" Pakasal na us?

Pagbaba namin ay bumungad agad ang OSC. Pagpasok namin sinalubong ako ng maiitim na awra na nanggagaling sa mga officers? Base sa mga pin na nasa uniform nila, sila ang bagong officers ng student council. Wala man lang akong ideya.

Para tuloy akong takas na preso tapos muling nahuli. Bakit nakataas ang kilay at masama ang tingin nilang lahat sa akin?!

Taasan ko nga din ng kilay. Attitude ah!

Nang makuha ng isang lalaking tumayo mula kinauupuan nito ang atensyon ko ay napa-ayos ako ng tindig.

Nanlaki na naman ang beautiful eyes ko.

Lumingon ako kay Calum. Mabilis siyang umiwas ng tingin. Umawang ang labi ko nang maglakad ito patungo sa tabi ng ibang mga officers. Bale mga anim silang hindi ko kilala na nakatayo sa tabi ng lalaking tumayo kanina. Syempre si Calum, my baby, siya lang ang kilala ko. 

Si Calum lang ang talagang alam kong tatakbo for VP, last year pa. Kaya hindi ko na kilala ang iba. Lalo na ang naging bagong presidente. Ngayon ko lang siya nakita. Mas intimidating ang aura niya. Kala mo naman gwapo, pwe.

Well, sige, totoo naman na may itsura siya. Pero nakakainis pa rin siya!

Isa-isa ko silang sinamaan ng tingin. Mukhang na-set up ako. 

Tumigil ang tingin ko kay Calum. "Pasalamat ka, mahal kita," bulong ko sabay irap.