Chapter 64

Pagkaalis ko sa kusina ay nagtungo na ka agad ako sa itaas upang sundan ang kambal. Inaasahan kong tapos na sila sa paghahanda ng mga gamit pangligo nila ngunit akala ko lang pala iyon, bagkus ay pareho lamang silang nakatihaya sa iisang kama habang abala sa pag-aayos ng blocks na bigay sa kanila ng daddy nila.

Napataas na lamang ang parehong kilay ko at napakrus ng braso. Ayaw ko namang magsalita at baka kung ano pang lumabas sa bibig ko kaya mas pinili ko na lamang na magkunwaring naubo. Hindi naman ako nabigo at mabilis na napalingon si Matt sa direksyon ko, mayamaya'y kinulbit nito si Feli.

"Mommy!" gulat nitong saad.

My lips formed a line as I walk towards them, with my arms still crossed.

"Anong sabi ni mommy?" I asked.