The Heiress

Michael'sPOV

Napatayo ako ng makita ang panginginig ni Athalia. Agad akong lumapit ng makitang mawawalan na siya ng ulirat. Bago pa man siyang bumagsak sa sahig, nasalo ko na siya. Napatitig ako sa maamong mukha ng aking anak.

Napabuntong-hininga ako. Dapat hindi ko siya binigla, dapat naging mahinahon ako. Dinala ko siya sa private room ng aking opisina, at ibinaba sa kama. Napatitig ako sa kaniyang maamong mukha.

"Sana naging malumanay ako, sana paggising mo matanggap mo ako anak. Kaytagal kong inasam na sana makasama kita at ituring mo akong ama. Gustong-gusto ko na kayong makasama ng iyong ina at maging isang buong pamilya." ani ko kahit alam ko na hindi niya ako naririnig.

Itinaas ko ang aking kamay at hinaplos ang makintab at malambot na buhok. Hihintayin ko nalang siya na magising. Kinumutan ko siya bago tumayo ako at nagtungo sa sofa na naroon tsaka naupo.

Athalia'sPOV

Dahan-dahan kong iminulat ang aking mga mata at itinakip ang aking kanang braso para takpan ang aking muk