Parking Lot

Kitang kita ni Eric kung paano bumangga ang kotse ni Mirasol sa pader, kaya nagmadali siyang lumapit para tulungan ang naggagalaiting dalaga. Pero hindi pa siya nakalapit, humarurot na ulit ang kotse nito papalayo. Labis ang kanyang pagsisisi. Hindi talaga niya mapaptawad ang kanyang sarili kung may masamang mangyari sa dalagang kanyang minamahal. Masyado kasi siyang naexcite. Hindi niya alam kung bakit hindi na niya nacontrol ang kanyang katawan nang nalasahan niya ang mga labi ni Mirasol.

Sa CR ng gym, ilang beses nang paulit ulit na nagtoothbrush si Mirasol. Halos dumugo na ang kanyang gums sa kakatoothbrush. Galit na galit parin siya sa ginawa ni Eric sa kanya. First kiss niya, tapos ganun? Balak pa yata siyang e-rape? Dahil sa naisip niyang yon, lalong nagliyab ang galit sa kanyang dibdib. Nahalata iyon ni Donna.

"Oy Mira, anong kasalanan ng punching bag sa'yo? Ang lalakas yata ng suntok at tadyak mo diyan ah?"

Pero parang wala siyang naririnig. Patuloy parin ito sa malalakas na