CHAPTER 5

Boss L POV:

After 45 minutes...

“Ah Boss?” marahang tawag ng driver sa akin na may pag-aalinlangan.

“Yes manong?” Pag-angat ng tingin ko kay Manong mula sa pag-babasa ng mga dokumento.

“Wala po tayong madaanan papunta sa lugar ni ma’am Kiara, hangang tuhod po ang baha, wala po ibang daan na pwede lusutan, paano po kaya ito?” tanong nya.

Tumingin ako sa babaeng nasa tabi ko na mahimbing na natutulog. Nakita kong nilalamig sya kaya hinubad ko ang coat at ipinatong sa kanya. Pag-patong ko ng coat ko sa kanya di sinasadyang sumayad ang kamay ko sa kanyang leeg, ang init! Hinawakan ko ang noo nya, mataas ang lagnat nya... Nag desisyon akong wag nang gisingin si Kiara at inayos ko maige ang coat na ipinatong ko sa kanya.

“Let’s go home manong” sabi ko.

“Paano po si ma’am Boss?” kunot noong may halong pag-tatakang tanong ni manong driver.

“She’ll stay with me.” Seryosong sagot ko at pinasibad na si Manong.

Hinubad ko ang salamin ko at ipinatong sa dokumentong nasa tabi ko, sumandal ako ng maayos at marahang tinitigan si kiara, ang ganda nya talaga, mukha syang anghel, napaka-inosente... Hinawi ko ang buhok na humarang sa mukha nya at inayos ko ang pagkakasandal nya. Nagulat ako ng bigla nyang hilahin ang braso ko- niyakap at doon sumandal at natulog. Alam ba ng babaeng ito kung ano ang ginagawa nya sa akin at kung gaano nya ako pinahihirapan???! Hay. Nanlulumong sabi ko na lang sa sarili ko.

SAAVEDRA EMPIRE RESIDENCE

“Boss, nandito na po tayo, paano po si ma’am?” Tanong ni manong.

“Ako na ang bahala, pwede ka na umuwi manong”. Mariin na pagkaka-sabi ko.

Inayos ko si Kiara sa pagkakasandal bago bumaba at umikot sa pinto kung saan sya naka-pwesto. Dahan-dahan ko syang binuhat ng pa-bridal style at marahang tinanguan si manong bago pumasok sa loob ng mansion.

Gumanti ng tango ang driver at saka umalis.

Pag pasok ko ng mansion ay sinalubong kaagad ako ni Manang, ang mayordoma ng aking bahay. Pito ang katulong dito sa mansion dahil masyadong malaki kung isa o dalawa lang ang magta-trabaho para mag alaga sa mansion.

“Iho, sya na ba ang iyong magiging may bahay?” Nangigislap at nanlalaki ang matang sabi ni manang.

Tuloy tuloy akong pumasok habang buhat si Kiara paakyat sa silid ko. Sinundan ako ni manang at pinag buksan ng pinto.

“Manang, mataas po ang lagnat nya pahanda ako ng yelo at bimpo”. sabi ko kay manang habang maingat na inilalapag ko sa kama si Kiara.

“Sige po iho ipapahatid ko dito, mag luluto lang ako ng sopas para pag nagising sya ay makakain. Ikaw ba iho kumain ka na?” Marahang tanong ni manang.

“Mamaya na ho siguro” sabi ko.

“Manang sino yung magandang babae? Girlfriend po ba ni Boss L yun? Ang sweet po.. Ngayon lang namin nakita na may dinalang babae si Boss L tapos buhat buhat nya pa...” Kinikilig na sabi ng isa sa mga maid.

“Shhh, huwag kayo maingay at baka kayo’y marinig at mapagalitan na naman kayo. Trabaho na at alam nyo naman ayaw ni Boss L na nag tsi-tsismisan dito sa mansion...” Saway ni Manang sa mga kinikilig na katulong.

"EEEEEEEEhhhhhhh.... Manaaaaaaannnggggg! Pano na po Ako???? Oh my Gosh! I Can’t! My papalicious labilabs... Hindi ko pa tangap manang! Ang future jowa ko!" Naka simangot at maarteng sabi ng beki na hardinero ng mansion.

"Ay, yuckkk! Tumigil ka nga George! Kadiri ka! Okay na si sir kay ma’am bagay sila! Wag ka feeling!” Singit ng isang katulong.

“Georgia! Baklang tooo... ang baho ng name ah erase mo na yan hindi ako si george! Maarteng sagot ni george.

“Pssst! Sige na umayos na kayo at baka mamaya biglang bumaba si boss, makitang nag gagaganyan ka george mayayari ka talaga. Ayusin mo ang sarili mo.” Sabi ni Manang na nagpapaalala.

“E kasi naman manang e hirap na hirap na po ako sa pag papangap na Maton ako! E isa akong Flower! hayyyyy... Di ko naman pwede basta sabihin na Boss L, I’m gay and I’m inlove with you! At baka ma jombag ang Beauty ko!” Malungkot na sabi ni george.

“E diba yan ang sinabi ko sayo? Mahirap ang mag-pangap. Istrikto pa naman si Boss L. Baka pag nalaman nya na isa kang ano.. hay naku di ko alam ano pwede nya gawin sayo lalo at minsan ka na nyang tinawag nung nawalan ng tubig sa kwarto nya para asikasuhin sya ng hubo’t hubad sya. Bakit ba kasi naisipan mong mag sinungaling nung mag-apply kang bilang hardinero ah? May pinag-aralan ka naman diba? Ano yun sabi mo graduate ka ng ano nga ba?” Naaawang tanong ni manang.

“Business management po’nang... E malaki kasi ang sahod at saka kasi naman.. nakaka bulag ang kagwapuhan ni Boss L eeeehhhh... Tapos nakalagay pa sa  Job requirement: MALE ONLY! Oh e san po ako lulugar nun? E di pag nag lambot lambutan ako, di na ako tatangapin diba po? E, Okay na din po itong kinikita ko kay Boss, natutustusan ko ng maayos pamilya ko.” Bigong saad ni George.

“Hay! Oh sya kilos na! dalhin nyo sa itaas itong tubig na may yelo at bimpo, utos yan ni Boss L. Isama mo na rin itong bathrobe para makapag palit yung kasama nya. Bilisan nyo na ang kilos. Ako’y magluluto na muna ng sopas para mahigop nila mamaya.” Nagmamadaling sabi ni Manang.

“E bakit di na lang po si Manong ang magluto ‘nang?” singit na sagot ni george.

“Ay Hayaan nyo syang mag-pahinga at namalengke sya kaninang hapon. At isa pa’y gabi na kaya ko na ito”. Maagap na sagot ni Manang.

“Naku si manang... ayyyieeee ayaw mapagod ang kanyang labilabs!” Ganting sagot ni george.

Si Manong ay ang asawa ni manang. Bale, sila ang pinag kakatiwalaan ni Boss L. Sya ang cook ng mansion.

“Ika’y mag tigil nga dyan George at baka ikaw ay makurot ko sa singit!” Bantang sabi ni manang.

“Ay OUCHIEEE yan manang, wag po please! And MANANG its GEORGINA! NOT GEORGE! Eeeewww!” Natatawang ubod ng arteng sagot ni George.

Napapa-iling na nag kamot na lamang ng ulo si manang.

“Manang! Where’s the cold water?!. Sigaw ni Boss L.

“Paakyat na iho!” Balik na sagot ni Manang kay Boss L.

“Hala sige na at dalhin nyo na ito sa itaas mag madali!” Natatarantang utos ni manang kila George.