CHAPTER 4

5 minutes before 2 pm ay nakarating na kami ni boss L sa Coffee Project kung saan gaganapin ang meeting nila ni Mr. Garuche para sa store opening dito sa Laguna. Nandun na at naghihintay si Mr. Garuche na may kasamang siguro kasing edad ni boss L na lalaki at infairness -POGI ah..

“Good afternoon Mr. Garuche.”

Nag-kamay ang boss ko at si Mr. Garuche

“Oh have a seat Mr. Saavedra, by the way this is my son, Michael I brought him with me because he will be taking over the company. I hope we’ll have a smooth cooperation.” Ngiti ni Mr. Garuche.

Nakipag- kamay si sir Michael kay Boss L sabay tingin sa akin at sabing- “And you are?”

“Hi si...” Hindi ko natapos na sagot.

“She’s my PERSONAL SECRETARY and she’s off limits Mr. Garuche.” Agaw na sagot ni Boss L sa akin.

“Woahhh!” napataas na dalawang kamay na sabi ni sir Michael.

“Why do you have a boyfriend already?” nakatitig na tanong sa akin ni sir Michael na may halong pagka mangha.

“Wa...”  di ko ulit natapos na salita habang natutulala.

“I believe we are here to discuss about business and not to gossip Mr. Garuche.” Singit na Direkta at supladong sabi ni boss L sa matandang Garuche na may kasamang tunog pagba-banta.

Nakangiting tinapik ni Mr. Garuche ang balikat ng kanyang anak at sabay sabing-

“I’m sorry about that Mr. Saavedra, I think your secretary catches my son’s attention. Anyway, let’s go down to business.”

... ....................... .. ... ..... ..... ...

4:45 PM. Katatapos lang ng aming meeting kela Mr. Garuche ng biglang agawin ni Sir Michael ang pansin ko..

“Kiara, Kiara right? Thank you for your assistance earlier.. By the way, can I get your number? So, I can contact you when I have questions and need something from your company?” Dare-daretsong sabi ni Sir Michael.

“Ahm si...” Naputol na naman na sagot ko ng bigla akong hilahin ni Boss L sa tabi nya.

“Mr. Garuche, if you need anything, you have my business card with you and the company’s contact information is already there. No need to get my secretary’s contact number. She’s working ONLY DIRECTLY TO ME AND I DON’T LIKE SHARING. If we may, we have to leave now. Thank you.” Tinanguan ni Boss L ang Matandang Garuche at Pinid ang labing bigla akong hinawakan sa braso at hinila palabas ng lugar.

Nang Malapit na kami sa pinto, biglang sumigaw si Mr. Michael ng:

“Kiara, don’t worry I’ll be able to get your number soon! I want to get to know you!”

Napalingon ako kay sir Michael sa gulat at nahihiyang napangiwi habang hila-hila ako ni Boss L palabas ng coffee project at tuloy-tuloy akong pinasakay sa kanyang sasakyan.

Sa Sasakyan..

“I guess my secretary is really popular eh? Feeling Beautiful?” Pa-ismid na sabi ni Boss L habang nakaupo kami sa likod ng bago nyang sasakyan.

“Po? Boss, hindi po...” Nahihiyang sagot ko.

“Yeah, you’re not- so don’t flatter yourself too much.” Nakaka-insultong sabi ng dragon.

“Boss may nagawa po ba na naman akong mali?” Naiiritang tanong ko.

“Fuck.” Pabulong na anas ni Boss L.

Naluluha ako sa inis. Sa pagka-kaalam ko nagampanan ko naman ng maayos ang trabaho ko ngayong araw ah.. Pero ganto pa din ang resulta, di ko na naman alam bakit ganto tong boss ko sakin.. di ko napigilan may tumulog luha sa mga mata ko habang kami ay na-byahe. Napa-singhot ako ng di ko namamalayan, pano kanina ko pa din nararamdaman na parang masama ang pakiramdam ko, gawa siguro ng pag sugod ko sa ulan kanina papasok ng opisina.

“What the fuck? Are you crying again?”

“Hindi po boss, napuwing lang.” Sabi ko ng hindi lumilingon sa kanya.

“Look at me Kiara.”

Hindi pa din ako lumingon, nakatingin lang ako sa labas ng bintana at pinagmamasdan ang malakas na buhos ng ulan.

“Kiara?”

Di ko pa din pinansin si boss, masama talaga ang loob ko, pati pakiramdam ko masama na e.. kaya wala ako sa mood para sagutin pa sya.. wala na akong lakas mag-explain o pakingan pa kung ano man ang gusto nyang sabihin.

“I said LOOK AT ME!”

Nagulat ako nang hawakan ni Boss L ang balikat ko at iharap ako sa kanya. Hinawakan nya ang pisngi ko at hinawi ang luhang dumaloy doon.

“Tsk. Childish!” Titig na titig sa mukha kong sabi nya.

“Where do you live?” tanong sakin ni Boss L habang nabalik sa ayos ng kanyang pagkaka-upo.

“Ibaba nyo na lang po ako dyan sa kanto Boss kung pwede na po ako umuwi..” sabi ko ng walang kagana-gana.

“Don’t make me repeat myself Kiara.” Matigas nyang sabi.

Wala na akong nagawa kaya sinabi ko na lang kung saan ang address ko.

“That’s an hour away from the office?. bakit hindi ka maghanap ng malapit na matitirhan dito sa opisina?” Tanong nya.

“E kasi hindi po ako mayaman. Hindi ko po kaya ang renta dito sa Makati.” Walang kalatuy-latoy na sagot ko kay Boss L.

“What?! Your salary is around 50 thousand per month and that excludes your overtime pay and still it’s not enough for you to get a place near the office?!” Takang-taka at nanlalaking matang sabi ni Boss L.

“E sa hindi ko nga po kaya. May kapatid akong pinag-aaral at pamilyang sinusuportahan. Boss di naman po siguro ito kasama sa trabaho ko diba? Ang alamin nyo kung saan ko ginagastos ang perang sinasahod ko na pinaghi-hirapan ko.” Masungit na sagot ko.

Napatingin ako sa “Interior Mirror” ng sasakyan at nakita ko ang pag-ngiti na parang hindi makapaniwala ang matandang Driver ni Boss L nung marinig nya ang pag-susungit ko sa dragon.

“Let’s take her home manong.” Pinid ang labing sabi ni Boss L sa driver.

Matigas ang ulo mong gurang na dragon ka ah, tingnan natin paano lulusong ang mamahalin mong sasakyan sa baha papunta sa lugar namin. Tahimik na naiisip ko. Isinandal ko ang aking ulo sa headrest dahil mabigat na ang pakiramdam ko at nag masid na lamang sa malakas na ulan habang na-byahe. Hindi ko namalayan na nakatulog na pala ako...