Chapter 3

CHAPTER 3

"Mom, ano 'yon? Nakakahiya!" pangaral ni Dave sa mommy nya nang makauwi sila ng mansyon.

Pinandilatan sya ng mata ni Divina. "Nahihiya ka? Eh, sa pagpatol sa babaeng tulad ni Trina? Hindi ka nahihiya?" Galit na sagot ni Divina sa anak.

Naihilamos na lang ni Dave ang dalawang kamay nya sa sa mukha nya sa sobrang inis. Ayaw kasi talagang tanggapin ng mommy nya ang desisyon nyang ituloy ang relasyon nila ni Trina.

"I told you, Dave. Hindi ko gusto ang babaeng 'yon, mas okay pa sa akin kung yung ate Aira nya ang makakatuluyan mo. Disente ang kapatid nya at pwede nating ipagyabang sa mga kamag-anak at kakilala natin. Ibang iba ang ugali ni Aira dyan sa kapatid nyang si Trina," pagbibida ni Divina.

"Mom please... I love Trina. Alam nyo naman po na matagal na din kaming may relasyon diba. Sana magustuhan nyo na din po sya para sa akin. Please mom tanggapin nyo na po si Trina," sagot ni Dave na mukhang nagpapaawa pa sa ina.

Umiling iling naman sa kanya si Divina. "Binalaan na kita tungkol dyan Dave. Noon pa kita sinasabihan."

Napaiwas na lang ng tingin si Dave sa kanyang ina dahil hindi lang sila magkakaintindihan na dalawa.

"So what do you want me to do, mom?" tanging tanong na lang ni Dave para matapos na ang usapan.

Napairap lang si Divina. "Slow ka ba anak? Hindi mo makuha? Kailangan ba ulit ulitin ko pa sayo na ayaw ko kay Trina?" sarkastiko nitong sabi.

"Mom please," Sa totoo lang ay hindi na nya alam kung pano pa magpapaliwanag sa ina.

"No Dave, leave Trina, at si Aira ang ipalit mo sa kanya," kaswal na pagkakasabi ni Divina.

"What?" Parang nablangko si Dave sa ideyang 'yon.

Inuutusan na nga sya ng mom nya na iwan si Trina tapos ang ipapalit pa talaga ay ang kapatid nyang si Aira?

Nahihibang na ba ang mommy nya?

"You're so ridiculous, mom," naiusal na lang ni Dave saka niya tinalikuran ang ina at pumunta sa kwarto nya.

*********

Samantala si Trina naman ay pinahatid ni Dave sa kanilang driver dahil hindi nya maiwan ang kanyang ina.

Nang makababa na ng sasakyan nila Dave si Trina ay hindi eto kaagad pumasok sa kanilang bahay. Hinintay nyang makaalis ang sasakyan nila Dave saka siya ulet sumakay ng taxi. Balak ni Trina na pumunta muna sa kanyang matalik na kaibigan na si Karen.

Naka ilang katok pa si Trina bago sya pinag buksan ni Karen ng pinto. Pupungas pungas pa nga eto at halatang kagigising lang.

"Ang tagal mo naman magbukas ng pinto. Tsk," iirap irap na sabi ni Trina sa kaibigan sabay pasok sa loob ng bahay ng kaibigan.

"Jusko ka naman Trina. Anong oras pa lang naman oh. Kasarapan pa ng tulog ko eh," sagot ni Karen.

"Mamaya ka na lang matulog ulet beshie," sagot ni Trina.

"Ano bang sadya mo at dis oras ng gabi ka kung pumunta rito? " Tanong pa ni Karen na naiinis na dahil naantala ng tulog nya.

"Hmmm. Wala lang. Ayoko pang umuwi sa bahay eh," sagot ni Trina.

"Tsk. Bat san ka ba galing at gabing gabi ka na? Bakit hindi ka na lang matulog sa inyo at nang iistorbo ka pa rito. Saka bakit ganyan ang itsura mo?" Tanong pa ni Karen ng mapansin na medyo magulo ng buhok ni Trina.

"Nagcelebrate kasi kami ni Dave ng anniversary namin. Five years na kami Karen," kinikilig pa na sabi ni Trina. "At sa tanong mo kung bakit ganito ang itsura ko well sinugod lang naman ako ni tita Divina kanina habang nagcecelebrate kami ni Dave," sagot ni Trina na iirap irap pa dahil sa inis.

"What? Sinugod ka ng mommy ni Dave? Pero bakit naman?" Gulat na tanong ni Karen sa kaibigan.

"Tsk. Alam mo naman yung mommy ni Dave ayaw na ayaw non sa akin," inis pa na sagot ni Trina.

"Magpaka bait ka kasi para magustuhan ka naman ng future mother in law mo. Dapat maging mabait ka sa kanya alam mo naman na mahal na mahal ni Dave ang mga magulang nya eh," mahabang sagot ni Karen.

"Tsk. Hindi naman nya naaapreciate ang effort ko. Nagpapaka bait naman ako sa harapan nya ah. Pero sya etong ayaw na ayaw sa akin. Maano ba naman na suportahan na lang nya ang relasyon namin ni Dave diba. Maging masaya na lang sana sya para sa amin ni Dave," sagot pa ni Trina.

"Tsk. Ewan ko sayo. Paano ba naman kasi magbabait baitan ka sa harapan ng mommy ni Dave tapos maya maya umaatake na naman yang pagiging m*****a mo. Pasalamat ka na lang talaga at mahal ka ng jowa mo at hindi ka iniiwan," sagot ni Karen.

"Of course mahal talaga namin ang isat isa. Magtatagal ba naman kami ng limang taon kung hindi diba!?" Proud pa na Sagot ni Trina.

"Tsk. Okay sabi mo eh. Pero payo ko lang sayo ha. Wag ka paka kampante magulang pa din yun ni Dave. Anytime kaya non na piliin ang magulang nya over you," sagot ni Karen.

Napapa irap na lang si Trina sa mga sinasabi ni Karen. Alam kasi ni Trina na ayaw sa kanya ng mommy ni Dave noon pa man dahil sa ugali nya. E sa ano daw bang magagawa nya kung ganon talaga ang ugali nya. Ayaw naman nyang ipilit ang sarili nya dito dahil ang mahalaga lang sa kanya ay nagmamahalan sila ni Dave.