Chapter 23

PAPAHIGA na si Toni nang tumunog ang cellphone niya.

Hindi pa man niya tinitingnan ay abot tainga na ang ngiti niya sapagkat tila alam na niya kung sino ang tumatawag.

Matapos nilang mag-usap kanina sa condo nito tungkol sa biglaang pag-aalok nito sa kanya ng kasal ay masaya pa silang nagkwentuhan habang naka-sandig siya sa dibdib nito at nakapaikot naman ang mga bisig nito sa katawan niya.

Ayaw pa sana niyang umuwi, kung maaari nga lamang ay nais niya sanang doon na matulog. Ngunit sa pagtataka niya ay pilit na sinabi ni Greg na ihahatid na raw siya nito pauwi.

Wala namang nagawang pumayag na lamang siya kahit gusto pa niyang makasama ang nobyo.

"Sweetheart, bahay na po ako." malambing na bungad nito agad sa kanya.

"Okay. Ako nakahiga na, nag-iisip."

"Sweetheart, wag mo ako masyadong isipin... mahal na mahal po kita." biro nito na sinundan ng mahinang pagtawa.

"Heh! Concieted!"

Na tinawanan lang uli nito. "Gwapo naman!"