MAYA'T-MAYANG tinatapunan ng sulyap ni Tori si Taj na nakaupo sa tapat niya. As usual ay naroon na naman sila sa paborito nilang tambayan, sa ilalim ng malaking punong mangga na hindi kalayuan mula sa bahay ng nobyo. Kanina pa kasi ito tahimik at tila malalim ang iniisip, o mas tama sigurong sabihin na kahapon pa ito wala sa mood. Napansin na niya iyon nang daanan niya ito sa fire station. Hindi lang niya pinagtuonan ng pansin dahil inisip niyang baka pagod lang ito sa trabaho. Although, wala namang nangyaring sunog kahapon. Nang hindi makatiis ay nagtanong na si Tori. "What's with the silence, love?" magaan ang tono na tanong ni Tori kay Taj. "May problema ba?" dugtong niya.Tumingin sa malayo si Taj bago sumagot. "Bakit, dapat bang magkaroon ng problema?" supladong balik-tanong niya kay Tori. "Ikaw, baka may gusto kang sabihin sa akin. I'm all ears..." padarag pa niyang dugtong. Nagulat naman si Tori dahil sa tono ng boses ni Taj. Maayos naman ang pagkakataong niya at sa inaasta
PAGPASOK NI TORI sa kanyang silid ay pabagsak niyang isinara ang pinto. Sandali siyang sumandal sa pinto bago bumuga ng hangin saka niya pinakawalan ang mga luhang kanina pa niya pilit na pinipigilang bumagsak. Ilang minuto ring nanatiling nasa ganoon sitwasyon si Tori bago siya dahan-dahang humakbang patungo sa kanyang higaan. Patuloy pa rin sa pagtulo ang mga luha mula sa kanyang mga mata. Tila may sariling isip ang mga iyon na ayaw magpapigil. Umupo siya sa kama bago pabagsak na humiga saka siya tumagilid at namaluktot. Hinila niya ang kumot at iyon ginawang pamunas sa kanyang mga luha.Is this the meaning of real love? But why does it have to hurt so bad? She wasn't prepared for this...Lumaki si Tori na napapaligiran ng mapanghusgang mga mata dahil hindi naman lingid sa kaalaman ng marami ng pumatol ang Mommy niya sa pamilyadong lalaki. At siya ang buhay na patunay sa kasalanang iyon. At isa rin iyon sa dahilan kung bakit takot siyang makipagrelasyon. She's twenty-three but she
TUMULO ANG MGA LUHA ni Tori. Hindi niya inaasahan na ganito ang magiging epekto ng yakap at halik ni Taj sa kanya pagkatapos nilang magtalo kanina. Hindi naman siya namatay pero pakiramdam niya ay bigla siyang nabuhay muli. Dahil doon ay mahina siyang natawa na ipinagtaka naman ni Taj. "Hey," mahinang usal ni Taj pagkatapos niyang ilayo nang bahagya si Tori sa katawan niya. Hinawakan niya ang magkabilang pisngi nito at nagtatakang tinitigan ang babae. "What is it?" tanong niya. Umiling si Tori bago niya ipinulupot ang mga braso sa leeg ng nobyo. "Nothing..." sagot niyang may tipid na ngiti sa mga labi. Umangat ang kilay ni Taj. Bakas sa kanyang anyo na hindi siya naniniwala kay Tori. "Uh-huh," aniyang umikot ang mga mata. "C'mon, tell me..." Nagkibit ng mga balikat si Tori bago nagsalita."Wala, love..." sagot niya bago mabilis na ginawaran ng magaang halik ang tungki ng ilong ni Taj na mas lalo namang nagtaasan ang mga kilay. "So tell me, paano kang naka-akyat at saan ka dumaan?"
KANINA PA NAKATITIG sa hawak niyang cellphone si Everett. Ilang minuto na rin ang nakakalipas simula nang bigla na lang naputol ang tawag niya kay Tori. Ni hindi na nagawang magpaalam ng babae sa kanya at batid niyang kung sino man ang tinawag nitong “love” ang siyang naging dahilan. Humugot ng malalim na buntong-hininga si Everett bago tumayo mula sa pagkaka-upo sa gilid ng kanyang kama. Naglakad siya palabas ng kanyang silid at pumunta sa kusina para kumuha ng canned beer. Bumalik siya sa kanyang kuwarto at tumuloy sa nakabukas na salaming pinto na siyang nag-uugnay sa maliit na balkonahe ng kanyang condo unit. Ipinasok niya sa bulsa ng suot niyang pantalon ang hawak na cellphone saka niya ipinatong sa bakal na railing ang magkabila niyang siko habang hawak sa kaliwang kamay ang nakabukas na canned beer. Tinanaw ni Everett ang malawak na lungsod at wala sa loob siyang napangiti. Ah, napakaganda ng gabi. Nagkikislapan ang mga bituin sa kalangitan gayundin ang mga ilaw na nagmumula s
CONSUNJI REAL ESTATE AND CONSTRUCTION COMPANYORTIGAS CENTER, MANILA"So, where's the lucky bride?" tanong ni Landon kay Taj pagkatapos niyang iabot rito ang hawak na baso na may lamang alak. Halos kararating lang ni Taj sa opisina ni Landon na siyang umaaktong CEO ng Consunji Construction na ipinamana sa kanya ng Lolo niyang si Alberto Consunji.Anak si Landon ng family attorney ng pamilya Consunji at naging malapit silang magkaibigan simula pa noong una siyang mapadpad sa mansion ng Lolo niya. Nagtuloy-tuloy ang pagiging magkaibigan nila dahil palagi itong kasama ng Daddy nitong si Attorney Dominguez tuwing pumupunta ito sa Guimaras dahil na rin sa utos ng Lolo niya. Idagdag pang pareho din sila ng university na pinasukan kaya mas lalo pa silang nagkalapit. Ilang buwan pa lamang ang nakakaraan nang ipatawag siya ng Lolo niya sa mansion nito sa Bulacan. Bago ito tuluyang binawain ng buhay ay hinangad nito na muli siyang makita pagkatapos ng mahigit na isang dekada. At dalawang lingg
POLARIS STADIUMPatuloy ang malakas na hiyawan ng mga taong dumalo sa concert for a cause ng kilalang R&B singer na si Everett na ginanap sa Polaris Stadium. "Wow!" tuwang bulalas ni Everett habang ang mga mata ay umiikot sa loob ng malawak na event hall Polaris Stadium. Punong-puno iyon pati na rin ang general admission seats. "I didn't expect this, guys—really. Salamat sa pagpunta. At kagaya ng alam ninyo, ang kikitain dito ay mapupunta sa isang non-government organization na tumutulong sa mga taong may cancer ngunit walang kakayahang magpagamot. Muli, isa pong taos sa pusong pasasalamat ang gusto kong ipaabot sa bawat isang nandito ngayon. Pagpalain pa po sana kayong lahat ni Lord!" mahabang turan niya na tinugon naman ng lahat ng malakas na hiyawan. "Sunod na kayang guest si Tori?" "Gusto ko 'yong bago nilang collaboration na "Hey You"," "Ako rin. Isa na iyon sa bago kong paborito..." Ilan lamang iyon sa mga komento na nagmumula sa grupo ng mga kabataang na naka-upo sa upper b
HALOS kapapasok lang ni Tori sa loob ng kanyang dressing room kasunod ang PA niyang si Jessa nang makarinig sila ng tatlong mahihinang katok mula sa nakasaradong pinto. Kaagad na ibinaba ni Jessa sa maliit na mesa ang hawak niyang damit na isusuot ni Tori bago sila uuwi. Humakbang siya patungo sa pinto at binuksan iyon. Bumungad sa kanya ang isa sa apat na bodyguard na ipinadala ng Marigold Herrera para sa anak nito. "Yes?" tanong ni Jessa sa seryosong tinig. Bahagyang yumuko ang may katangkarang bodyguard at bumulong kay Jessa. "May naghihintay kay Miss Tori sa backstage." Kumunot ang noo ni Jessa. "Alam naman na ninyo ang drill, hindi ba?" mahina ang tinig na aniya sa lalaki. "Paalisin ninyo—""Sorry, Jessa pero hindi namin kayang paalisin." "At bakit?" may katarayang untag niya bago nameywang."Si Atty. Landon Dominguez ang naghihintay kay—" Nanlaki ang mga mata ni Jessa. "Ay!" bulalas niyang bahagyang natutop ang bibig. Lumingon siya sa gawi ni Tori na abala na sa hawak nito
MAGKATABING nakaupo sa likuran ng sasakyan sina Tori at Taj habang si Landon naman ay naiiling na lamang na nagpapatuloy sa pagmamaneho. Ilang sandali pa ay lumiko siya isang kanto bago kumaliwa hanggang tuluyan niyang itinigil ang sasakyan sa harapan ng isang gasolinahan. Lumingon si Landon sa backseat saka niya tinapik nang mahina ang sandalan ng passenger seat para kunin ang atensiyon ni Taj na kasalukuyang nakayakap kay Tori. Umikot ang mga mata niya bago niya tinawag ang kaibigan. "Dito na lang ako." Mula sa pagkakayuko sa balikat ni Tori ay nag-angat ng paningin si Taj. Tiningnan niya si Landon at tumangon. "There's my car..." muling sabi ni Landon bago inginuso ang isang bagong mini Cooper na nakaparada sa harapan ng gasolihan. Napatingin si Tori sa itinuro ni Landon ay hindi niya napigilan ang sarili. Isang sipol ang pinakawalan niya nang makitang ang mini Cooper na kulay pula. "Wow, fancy..." humahangang sambit niya habang nakatanaw sa salaming bintana. Narinig na niya