NMKIMB 6

JACK'S POV:

"HAIST! I'M F*CKIN' TIRED!" Paika-ika akong pumasok sa bahay. Pagod na pagod kong isinigaw ang katagang iyon bago mapatumba na lang sa sahig. Hindi ko man lang nakita na may matatamaan ang aking mukha. Oh! Sh*t!

"AWW!" Napapikit ako nang mariin. Hindi ko mahawakan ang noo na natamaan ng b'wisit na laruang kotse-kotsehan. Namamanhid ang aking paa't kamay. Hindi ko man lang magalaw kahit isa.

'Pagod na pagod na talaga ako. Gusto ko ng magpahinga.'

"Haist..." Wala sa sariling sambit ko na naman at hindi na tumayo pa sa aking pagkakadapa. Dito na lang ako matutulog.

"Hoy! Uuwi ka na naman ng gan'yan ang kalagayan mo. Natatanga ka na naman ba, Jack?" Matinis na boses ang sumalubong sa akin at nagawa pa akong sabunutan sa aking buhok matapos niyang makalapit sa aking direksyon.

"Haist! Don't ruin my day, Froyd. Pagod ako!" Inis na singhal at pilit na ginagalaw ang aking kamay para pigilan siya na disturbuhin ako. "Gusto ko ng matulog..." Dagdag ko pa at muling pumikit. Dinadamdam ang malamig na sahig.

" Ano bang ginawa mo at pagod na pagod ka? Saka huwag ka humiga sa sahig. Malamig diyan! Hindi ka na bata, hoy!" Pagpupumilit pa nito na itaas ako.

Dahil sa malaki ako at matangkad, hindi niya magawa ang kaniyang gusto. Pandak kasi!

"Jack. Sa sofa ka humiga." May pagbabanta niyang saad pero hindi ko siya pinansin. Ayoko talagang umalis. Gusto ko lang dito.

"Pagod na pagod na ako...ganito ba mabuhay ang mga gwapo? P'wede ko na bang i-donate ang pagiging magandang lalaki ko?"

"Wow siya! Grabe siya! Hangin mo 'e.  Nasan na ang Jack na walang modo at laging galit sa mundo?"

"Nasa impyerno. Pinapasundo ka na rin."

"'Yoko nga! Mas bagay pa siya sa impyerno. Kapatid niya ata si Satanas 'e."

" What did you say?" Dahan-dahan akong tumayo sa aking pagkakadapa sa sahig. Pinagpagan ko pa ang aking buong katawan bago mapalingon sa lalaking ito na napalunok sabay ngiwi.

"Hehehe joke lang naman, Jack. H-hindi ka na nasanay..."

"Hindi. Kaya tigilan mo 'yan. Kung ayaw mong matuluyan sa akin." May pagbabanta kong saad at malakas na iginalaw ang aking kamao sa kaniyang ulo.

Mas lalong pumangit ang kaniyang itsura dahil sa ginawa ko. Pangi-ngisi lang ako at naglakad na para makapunta lang sa sofa na iyon.

"A-aray...ang sakit mo talagang manapok. T—bakal ba 'yang kamao mo?"

"Sana nga. Para natuluyan ka ng nawala. Ang daldal mo." Komento ko sabay ismid.

Umupo ako sa sofa. Nagdekwatro pero naiilang pa rin ako. May gusto akong gawin pero hindi ko maalala kung ano.

Sumandal ako sa headboard pero napalayo rin dahil hindi ako komportable. Pero biglang sumagi sa aking isipan ang nangyari kanina kaya ibinagsak ko ang aking ulo sa itaas ng sofa at in-i-spread pa ang aking paa hanggang sa dulo nito.

Muli akong pumikit at ninanamnam ang bawat hangin na dumadaloy sa aking mukha. Pero napatigil din dahil sa lalaking ito na guguluhin na naman ang tahimik kong mundo.

"Hindi mo pa nga sa akin sinasabi ang nangyayari. Ano bang ginawa mo at pagod na pagod ka?"

" Maraming customer sa bookstore. Kaya ako ang nag-asikaso." Biglang lumabas sa bibig ko.

Kaya napamulat ako ng aking mata at napalingon agad kay Froyd. Halata sa kaniyang mukha ang pagkalito sa aking sinabi.

Nagpalabas na lang ako ng mahinang buntong-hininga. "Alam kong itatanong mo rin kung bakit may bookstore sa sinabi ko, kaya uunahan na kita. Matagal na akong nagpatayo nito dahil gusto ko. Pero mahirap makahanap ng mga empleyado dahil sa ugali ko. Gets?"

Napatango-tango naman siya sabay hawak sa kaniyang baba. Nakaupo na rin siya ngayon sa bakanteng upuan.

"Bakit ba kasi hindi ka nagiging mabait sa empleyado mo? Pero sa customer mo para kang nagdilang anghel."

Ako pa ang sinisi. Dapat ang mga iyon ang sabihan niya. Hindi ko naman kasalanan kung gagawin ko iyon, hindi nila nirerespeto ang amo nila na sinu-swelduhan sila ng malaki. Pero sila naman ay todo landi, 'yung iba nagnanakaw pa ng libro na best selling tapos ibebenta ng mas mahal sa iba.

Hindi ko rin gagawin iyon kung walang dahilan. Hindi ako basta mananakit at mamahiya ng tao kung wala silang kamalian.

"Tsk."

"Paano kung isumbong ka ng mga iyon sa pulis? Ano na naman gagawin mo?"

" I have many proofs. Baka siya pa ang mahiya sa mukha ng pulis." Asik ko sa kaniya at muling umidlip.

" Anong proofs? Saan mo naman nakuha ang mga proofs na iyan saka makakatulong ba iyan sa kaso na isasampa sa iyo?"

" Of course! Hindi ako tanga, Froyd. Tandaan mo 'yan. Ang tagal na nating magkaibigan, hindi mo pa ako kilala. I have my own ways. Huwag mo na lang alamin pa ang proofs na iyon. Hahaba pa ang kwento. Kilala na kita, gusto ko ng magpahinga." Pagpapatigil ko sa maaari niyang sasabihin.

Hindi na lang siya kumibo sa kaniyang kinauupuan. Nanatili lang siya roon habang pinagmamasdan ako. Naiiling na lang ako at muling tinuon ang sarili sa pagtulog.

"Hindi ka ba kakain ng gabihan? Gumawa ako, medyo hindi nga lang tama ang lasa hehehe. "

" Kakain ako mamaya. Magpapahinga lang ako saglit. Ano bang niluto mo?" Mahina kong tanong sa kaniya.

" Ahh... Ayon sa nabasa ko sa google, tawag daw doon ay adobong manok. Natatakam kasi ako sa kulay kaya gumawa ako, sobrang tamis pala."

" Anong klaseng pagkakaluto mo sa adobo?"

" Sinunod ko lang ang procedure 'e. Pero namali lang ako sa isa."

" Ang ano?"

" Imbis na asin ang ilagay ko, asukal pala. Parehas kasing puti 'e kaya akala ko asin na siya."

" Tsk. Atleast you're doing great. P'wede ka ng itapon sa labas. Punyeta ka!"

" Grabe naman. Proud ka bang talaga sa akin o nanglalait ka?" Mala-emosyonal na tanong nito sa akin.

Kaya nilahad ko sa kaniya ang kanang palad ko at pinakita sa kaniya ang gitnang daliri ko.

"Hindi ba halata? Saka tigilan mo ako Froyd! Hindi ako makatulog sa 'yo 'e. Kung gusto mong matulog, maglapag ka na lang sa baba ng hihigaan mo. Huwag mo akong b'wisitin!" Inis na singhal ko at muling ibinalik ang aking palad sa aking mukha.

Imbis na magtampo na naman itong lalaking ito, ay natuwa pa sa kaniyang narinig. Any minute na lang talaga mapapatay ko na ang nasa harapan ko.

"SALAMAT!"

Malakas na sigaw niya at naramdaman ko na lang ang mga yapak niya na palayo sa aking direksyon. Napapailing na lang ako sa pagiging isip-bata ni Froyd at muling ibinaling ang sarili sa pagtulog ko.

'Sana ay hindi na siya mangialam pa sa aking pag-idlip.'