Chapter 21

Kalahating oras na kaming naghihintay sa labas ng ER mula nang makapasok si Princess. Hindi ko na alam ang gagawin lalo pa at hindi pa dumating ang ama niya. May emergency rin daw kasi sa kompanya kaya ’di rin niya ito maiwan-iwan. Pero nangako naman siyang darating siya kapag maresolba iyon agad.

“What happen? Ano’ng nangyari kay Princess?”

Napatayo ako nang marinig ang malakas na boses ni Alma sa harapan ko. Masama ang tinging ipinukol niya sa akin na animo’y kakainin na ako anumang oras.

Kumunot ang noo ko nang mapansin ang kasama niyang babae. Pamilyar sa akin. Hindi ko alam kung alam kung saan, pero sigurado akong nagkita na kami before.

“Aica, let’s go inside,” ani Alma bagay na nagpahinto sa akin sa pag-iisip.

Aica? Siya ’yong babae na nakasalubong namin ni Philip sa mall? Sabi na nga ba, eh. Siya iyon. Kaya pala pamilyar sa akin ang mukha dahil siya ’yong tinutukoy ni Philip na kaibigan ni Alma.

Tumingin ako sa ibang direksyon nang tingnan niya ako nang masama. Titig pa lan