Chapter 13

Her POV

"Di ko rin maintindihan ang sarili ko. Nasasaktan rin akong makita kang nahihirapan... " Napatitig ako sa kanyang mga mata, nais kong makita kung nagsasabi nga ba ito ng totoo o binobola na naman ako. Kay bilis ng tibok ng puso ko, may parte ng puso ang gustong maniwala sa sinabi nya, ngunit mas malaki ang parte na nagsasabing wag akong maniwala.

I've been there...

Minsan na rin akong naniwala at nagpadala...

Sa nangyari sa akin, di ko na alam kung paano ko masasabi kung ang isang tao ay nagsasabi ng katotohanan o puro kasinungalingan lamang. Natatakot na ako minsan magtiwala dahil parang nakikinita ko na ang susunod na mangyayari.

Kukunin yong loob mo at kapag hulog na hulog ka na tsaka ka naman bibitawan.

Hinawakan ko ang kamay nyang marahang nakahaplos sa aking pisngi at maingat na tinanggal. Binalik ko ang tingin sa langit, ang gandang tingnan, nakakabighani lalo na ang mga bituin sa langit, nakakawala ng alalahanin. "Wag kang mahulog sa kagaya ko Jerick. Wala kang mapapa