Chapter 36

MATAPOS mapagbayad ang tunay na may sala, kung saan ay mga tauhan pala ni Mr. Benitez ang talagang pumatay kay Philip Baltazar gayundin sa pamilya nito ay labis naman ang pagsisising nararamdaman ngayon ni Andrew dahil sa maling impresyon niya kay Renato Monteza at sa pinamumunuan nitong sindikato. Sa totoo lang ay ngayon lang siya naka-encounter ng ganitong grupo na maganda ang mithiin.

"Handa kong pagtrabahuhan ang mga kasalanan ko sa iyo at sa pamilya mo, Tito Renato-- mapatawad mo lang ako," nagsusumamong wika ni Andrew.

"Kung ganoon ay maghanda ka dahil ngayon na ang first day mo sa trabaho," saad ni Renato na hindi inaasahan ni Andrew.

At dahil si Tamara ang nakatoka sa mga bagong trabahante ay sinamahan siya nito kahit may kaunting inis pa rin itong nararamdaman para sa kaniya.

Ramdam niya ang malamig na pakikitungo nito sa kaniya at naiintindihan niya naman kung bakit, dahil nagawa niya lang namang paglaruan ang feelings nito. "Sorry talaga sa nagawa ko no'n sa'yo, Tamara."