Chapter 18

"Ayusin niyo ito!" sigaw ni Mrs. Camilla sa sekretarya nilang tatlo.

Sumunod ang kanilang sekretarya kung saan sa kanilang paglisan, pagod na umupo ang ginang. Magmula kanina, walang tigil ang tatlo upang pagtakpan ang mga nangyayari. Inalam din nila ang puno't dulo ng lahat ngunit hanggang ngayon, wala pa rin silang nahahanap. Marami na ang mga tumatawag sa kanila lalo na ang mga reporters na nasa labas ng kumpanya na pilit muna nilang iniiwasan.

"Bukas pumunta ka sa Celestine. Alam mo na ang gagawin. Ayusin mo ito Claude," sabi ng ginang sa anak nitong seryosong nakatutok ang paningin sa bukas na telebisyon.

'Paniguradong may gumawa nito.'

INAYOS ni Rosie ang gagamitin nito para sa paghahanap kay Vignor. Matapos ng meeting, sinabihan nito ang kumpanya na lumiban muna upang hindi siya madamay sa gulong nangyayari sa kumpanya. Paraan niya na rin ito upang mapabilis ang mga plano niya. At sa ngayon, nakasentro ang atensyon niya sa paghahanap kay Vignor.

"Handa na ba?" tanong ni Ros