Chapter 3

PAG-UWI ni Claude sa mansiyon, dumiretso siya sa maid's quarter kung saan gulat na napaayos ang ilang nandoon dahil sa pagdating ng kanilang boss.

"Nasaan napunta ang suit ko kagabi?" Nagtinginan ang mga katulong sa tanong nito hanggang sa isa sa kanila ang nagsalita.

"Nasa labahin na po sir Claude," nakayuko niyang sagot.

"Kung hindi pa nalalabhan, ibigay niyo sa akin may naiwan ako roon na importante." Mula sa suot ng maid na nagsalita, nilabas niya ang isang card na nagpakuha ng atensyon ng lalaki rito.

Nilahad niya ang card kay Claude. "Ito po ba ang hinahanap ninyo? Ito po kasi ang nakita ko sa loob bukod sa panyo po," magalang niyang sagot.

Mabilis na kinuha ni Claude ang card at tinignan ang laman. Hindi naman siya nadismaya nang makita ang isang address na nakalagay sa loob na kusang nagpangiti sa kanya.

"Salamat, maaari na kayong bumalik sa mga ginagawa niyo." Dere-deretso siyang umalis sa quarter kung saan ngingiti ngiti siyang naglalakad habang hawak ang card.

Sa pagdaan niya sa living room, nakasalubong niya si Kourtney kaya agad niyang binulsa ang hawak niyang card sa suot niyang gray suit.

"Akala ko ba mamayang gabi ka pa makakauwi? Ang aga mo naman ata ngayon," tanong nito paglapit niya sa asawa. Iniwanan naman siya ni Claude ng isang h***k sa pisngi para alisin ang atensyon nito sa kanyang tanong.

"May kinuha lang babalik din ako agad sa kumpanya, baka hindi na ako makapag-dinner dito mamaya dahil marami akong dapat asikasuhin."

"Ganun ba? Hindi mo ba pwedeng ipagpaliban? Hindi na nga natuloy ang honeymoon natin at hindi mo rin ako pinapasok sa kumpanya tapos uunahin mo pa ang trabaho? Paano naman ako, Claude?" tampo nitong saad kaya niyakap siya nito bilang sagot.

"I'm sorry, babe babawi ako promise. This coming weekend doon natin ituloy ang naudlot na honeymoon, pinaayos ko na ang lahat kaya 'wag ka masyadong mag-alala. And about your job in the company, hindi naman mawawala ang posisyon mo as vice president. Hindi kita pinagtrabaho muna para makapagpahinga ka naman, you have done a lot to the company, so I want you to rest before returning," mahaba niyang sabi.

Humiwalay siya sa yakap kaya nagkaharap sila kung saan bumungad ang nakanguso pa ring bibig ni Kourtney.

"Fine, after ng work mo umuwi ka kaagad gusto kong pag-usapan ang tungkol sa babaeng 'yun," pagpapatungkol niyang sabi kay Rosie. Nginitian naman siya nito saka muling hinalikan sa labi.

"Okay, let's have a dinner date tomorrow sa ngayon kailangan ko ng umalis may naghihintay sa aking isang kliyente. Don't forget to eat, kapag masyadong gabi na 'wag mo na akong hintayin hmm?" Tinanguan naman siya nito kaya hinalikan niya pa uli ito bago tuloy-tuloy na umalis ng mansiyon.

TINIGNAN ni Rosie ang itsura niya sa salamin. Nakasuot ito ng itim na silk night dress na umaabot ang haba sa itaas ng kanyang tuhod. Hapit ito sa kanya kaya kita ang bawat kurba ng katawan niya na nagpadagdag ng alindog nito. Nakalugay rin ang buhok nito na may kaunting kulot habang ang tumatakip sa sleeveles dress niya ay isang manipis na robe na kapares ng kanyang suot.

Sinimplehan niya lang ang make-up na kanyang nilagay sa mukha ngunit angat ang pula nitong lipstick na kumumpleto ng kanyang kagandahan. Kinuha niya ang isang pabango na ini-spray niya sa kanya bago tumayo para salubungin si Claude na kakalabas lang ng elevator.

Ilang saglit pa, tumunog na ang doorbell ng apartment ni Rosie kaya naman dumiretso siya sa pinto para siya'y pagbuksan. Halos mahagip ni Claude ang hininga ng makita ang itsura ng babae na nginitian siya bilang pagsalubong.

"Akala ko hindi ka na dadating, pasok ka," sabi nito na gumilid pa sa pinto para siya'y makapasok. Tahimik na pumasok ang lalaki sa loob habang si Rosie ay sinara muna ang pinto bago nagpaunang dumiretso sa dining table.

Sa ibabaw nito, may bulaklak sa gitna na pinupuno ng mga pulang rosas. Ang chandelier na puno ng crystal na nasa gitna ang nagbigay ng romantic feel dahil sa dim light nito na nagpapailaw sa dining area. Kaya kahit hindi na sila magsindi ng kandila, sapat na ang ilaw na nanggagaling dito upang makumpleto ang lahat. May tumutugtog din na classical music na hindi gaano kalakas kaya mas relaxing ang paligid nilang dalawa.

Kahit na malawak at puno ng mamahaling bagay ang apartment ni Rosie, hindi nun nakuha ang atensyon ni Claude dahil nasa kanya lang ang buo nitong atensyon. Tumitindi lang ang init na nararamdaman nito sa katawan dahil sa itsura ng babae. Isabay pa ang halatang hinanda nito para sa kanilang dalawa.

"Naghanda ako ng paborito mong steak, umupo ka muna habang hinahanda ko." Parang batang sunod-sunuran si Claude na kahit sa pag-upo nito'y na sa babae ang kanyang atensyon. Bawat kilos na ginagawa nito'y pinapanood niya kaya upang maalis kahit papaano ang atensyon dito, nagsalin siya ng wine sa baso saka isahang ininom.

Ramdam ni Rosie ang bawat tingin na pinupukol ng lalaki sa kanya, kaya ginagawa niya ang lahat upang maakit ito sa kahit na anong paraan na kaya niyang gawin. Nang matapos niyang maihanda ang steak, dala niya ang plato nilang dalawa sa mesa. Nilapag nito ang isang plato sa harapan ni Claude kung saan sa kanyang pagyuko'y bumungad ang d****b nito na kanyang sinadya.

Napalunok doon si Claude, humigpit din ang hawak niya sa wine glass habang sinusundan muli ng tingin ang babae.

"Kumain ka na habang mainit pa ang pagkain," nakangiting sabi ni Rosie na umupo sa kabilang upuan na malapit lamang sa lalaki. Sinalinan niya ng wine ang baso nilang dalawa saka sumimsim doon bago simulang kainin ang steak.

"Pinirmahan mo na ba ang divorce papers?" tanong ni Rosie. Natigil sa paghiwa si Claude sa steak dahil sa tanong niyang 'yun ngunit muling nagpatuloy habang sinasagot ang kanyang tanong.

"Hindi, gusto mo bang pirmahan ko na?" balik niyang tanong. Umiling naman agad si Rosie saka hinarap sa bibig nito ang tinidor na may hiniwa niyang steak. Walang pag-aalinlangan itong sinubo ng lalaki.

"Masarap?" tanong ni Rosie na sinang-ayunan nito sa kanyang pagtango. Matamis na ngiti ang binigay nito bago ilayo ang tinidor na tinapat sa kanya.

"Ayokong pirmahan mo, pero bukas dadating na ang fiancè ko at paniguradong 'yun ang una niyang tatanungin." Pinilit ni Rosie na magtunog malungkot para kunin ang simpatiya ni Claude na napaisip ng malalim sa narinig.

Binaba niya ang hawak niyang tinidor at kutsilyo para mas titigan ng maigi si Rosie na casual lang na kumakain.

"Mahal mo pa rin ba talaga ako?" seryoso nitong tanong. Tinitigan niya sa mata ang lalaki, nilunok muna nito ang kinain bago ito sagutin.