Chapter 43: Letisha lost her daughter

Sinara ko ang bintana at humiga sa kama. Tumibok ng malakas ang puso ko at parehong pakiramdam ng unang kong makita si Rafael. Takot, awa, pagkalito at panghihina. Sino ang bumaril sa kawawang kabayo? Pinilit kong matulog pero halos dalawang oras na akong nakahiga hindi pa rin ako dinadatnan ng antok. Nagpasya akong umupo at nakiramdam sa baba. Tahimik at walang ingay.

Naglakad ako palabas ng silid. Madalim sa hallway pati sa sala. Binuksan ko ang mga ilaw at napatingin sa labas. Gabi na pala at hindi pa rin bumabalik si Matt at Rafael. Papunta na ako sa kusina ng may kumatok ng tatlong beses.

"Sino yan?" Hindi ito sumagot. Napalunok ako at humakbang sa pinto. Sumigaw akong muli.

"Diane!" si Rica. Mabilis ko itong binuksan at tumambad sakin ang mukha ni Monica at nasa likod niya si Rica.

"Kahit ayaw ko, binilin ka sakin ni Rafael. Kailangan din namin ng bagong maid dahil hindi umuwi ang dalawang maid namin." Maarte nitong sabi habang nakapamewang. Huminga ako ng malalim at tumango.