Moving Forward...

"Wupewt!"

"Eba!"

Nanlaki ang mga mata ng batang babae sa itinawag sa kaniya ng kaibigan. "Hindi nga Eba ang pangalan ko!"

Malalaki ang bawat hakbang na nilapitan niya ang batang lalaki na nakaupo sa swing. Bakas sa nakabusangot niyang mukha ang inis dahil sa maling pagtawag sa kaniyang pangalan ng kaibigan.

"Mali rin naman 'yung tawag mo sa akin a!" ingos ng batang lalaki bago nginisian ang kalalapit lang na kaibigan. "Dapat kasi masabi mo muna 'yung pangalan ko nang— Aw!"

Humagikgik ang batang babae dahil sa pagdaing ng kaibigan matapos niya 'tong sipain sa paa. Naupo siya sa katabing swing bago tinanggal ang pagkakatali ng hanggang baywang niyang buhok. Nagpunas pa siya ng pawis dahil sa buong maghapong paglalaro ng habulan sa mga kalaro niya.

"Grabe! Ang sakit no'n, Eba!"

"Hindi nga 'yan ang pangalan ko! Sisipain ulit kita Wupewt!"

"Hindi rin Wupewt ang pangalan ko!"

Masama ang tingin nila sa isa't isa at naubos ang ilang segundo sa pagtitigan na 'yon bago nagbuntong hining