Special Chapter 1: Devastation

LUCIA'S P.O.V.

(Ava's mother)

•••

"Ma, proud ka ba sa akin?"

Natigilan ako sa paghaplos sa buhok ni Ava dahil sa tanong niyang iyon. Nakaupo ako sa kama niya habang ginawa niyang unan ang kandungan ko.

Napatitig ako sa kaniya dahil sa tanong na 'yon. Nanatili naman siyang nakapikit habang mahigpit ang hawak sa kaliwa kong kamay na nasa ibabaw ng dibdib niya.

Ito ang unang pagkakataon na itinanong sa akin 'to ng anak ko. Madalas kasi, hindi talaga siya nagkukwento sa akin hindi katulad ng ate niya.

"Oo naman. Proud ako sa 'yo. Proud ako sa inyong magkakapatid," sabi ko bago hinalikan ang noo niya.

Unti-unting dumilat ang mga mata niya at nagtagpo ang mga tingin namin. "Ava? May problema ba?"

Pero umiling lang siya bago pinilit na ngumiti kahit na ba nanggigilid sa mga mata niya ang luha.

Bilang ina, alam ko kung may mali o may problema ang anak ko. Nararamdaman ko 'yon. Kahit itanggi pa ni Ava, alam kong may dinadamdam siya at nararamdaman kong mabigat 'yon.

"Alam mo namang p