Chapter 8

NASA labas ako nang dati kong bahay. Gusto kong lumabas para makiramay sa nakagisnan kong pamilya.

"Puntahan mo na."

Hindi ako natinag sa kinauupuan ako. Nilingon ko siya.

"Paano kung ipagtabuyan nila ako?" tanong ko sa kanya.

"Kung mangyayari iyon, aalis ka nang matiwasay at 'di na babalik sa pamamahay na ito."

Tumango ako, tapos ay lumabas ng kotse nito. Nilingon ko pa siyang muli, bago ako pumasok sa loob ng bahay. Hindi naman marami ang nakikiramay. Agad kong nakita ang kabaong ni Eliza, nasa sala ng bahay namin. Kahit na hindi kami magkasundo ni Eliza ay itinuring ko siyang kapatid ko.

Nasa harapan na ako nang kabaong ni Eliza. Nakatingin ako ngayon sa kanya. Nagbigay ako nang taimtim na panalangin, para sa ikakatahimik ng kaluluwa nito.

"What are you doing here? Umalis ka na, bago pa kita kaladkalarin. Hindi gusto ng anak ko na nandito ka," madiin at may bahid ng galit sa boses nito.

"Gusto ko lang makiramay 'ma."

"Don't call me, that name. Nakakarindi. Hindi ka parte ng pamilya