Chapter 23 Letting go

BHELLE:

SA mga sumunod na araw ay naging abala na si Tyrone sa trabaho. Madalas ay tinatawagan na lang niya ako na hindi makakauwi at nakababad siya sa trabaho. Hindi naman ako makareklamo dahil ayokong maging abala sa kanya. Malaki ang kinakaharap niyang problema sa kumpanya sa biglaang pagbaba ng sales stock nila kaya bilang CEO ay kailangan niyang agapan ang problema bago pa malugi ang kumpanya nila.

Naglalagi ako sa unit nito. Nakasanayan ko rin naman ang naging daily routine ko dito sa syudad. Lumalabas ako ng unit pero sa balcony lang para magpahangin. Wala naman akong ibang mapuntahan para igugol ang oras ko. Natatakot din akong lumabas ng unit at mamasyal sa mga kalapit na mall dahil baka mawala ako.

Hindi ako pamilyar dito sa syudad. Wala akong ibang kaibigan o kakilala dito na maaari kong matawagan para kasama sa pamamasyal. Kaya kahit nababagot ako ay ginugugol ko na lang ang oras ko sa paglilinis dito sa unit. Pinapanatili ko ang kalinisan nito dahil wala naman akong ibang