Katulad ng mga sinabi ni Roberto ay sinadya nga ni Tamara ang beach resort na pinagtatrabahuan nito, ang Ocean Pearl Private Beach Resort. Malayu-malayo rin iyon mula sa kanilang tinitirhan ngunit hindi siya nagdalawang-isip na puntahan ang nasabing lugar upang makita at makausap muli si Roberto.
Ayon dito ay ilang taon na itong namamasukan sa naturang resort. Ito ang pinagkakatiwalaan roon at nagsisilbing tagapamahala kapag nasa Manila ang amo nito.Sa loob ng ilang taon mula nang makilala niya si Roberto ay sa resort na iyon sila nagkikita. Madalian lamang at madalas pa ay agad din siyang pinapauwi nito sa tuwing nagagawi siya roon. Kaya nga nang malaman niya na pupunta ito sa airport nang isang araw ay dali-dali siyang gumayak patungo roon upang makausap ito. Bagay iyon na wala rin namang silbi dahil nagmamadali rin ito sa pagbalik sa resort.Naiintindihan niya naman iyon dahil trabaho lang ang ginagawa nito pero hindi niya rin maiwasang makaramdam ng tampo dahil sa sitwasyon nilang dalawa. Above anyone else, she knew very well that she also has a right for his time and attention. Pero hindi niya nga lubusang maramdaman iyon dahil sa may pamilya na ito.Napabuga na lang siya ng malalim na buntong-hininga. Nang makarating sa resort ay agad na niyang hinanap si Roberto. Naabutan niya pa roon ang kaibigan niyang si Rose at saglit na nakipag-usap dito. Sa lahat ng kakilala niya ay si Rose lang ang may alam sa relasyon niya kay Roberto kaya naman madali lang para sa kanya ang maglabas-pasok sa nasabing lugar.Tiwala siya kay Rose kaya madali lang para sa kanya ang sabihin dito ang tungkol sa kanila ni Roberto. Katunayan ay may mga pagkakataon na tumutulong pa ito para magkaroon sila ng oras na makapag-usap ng lalaki.After talking with Rose, nagpaalam na ito sa kanya. Marami din itong problemang pinapasan at bakas sa mukha ng kanyang kaibigan ang labis na pangamba. Nangako naman siya dito na kakausapin si Roberto upang matulungan ito.Mayamaya pa ay naglakad-lakad siya sa kahabaan ng dalampasigan habang naghihintay kay Roberto. Ayon kay Rose ay may ginagawa pa ang kanyang sadya, ang asikasuhin ang special guest ng resort na iyon na kaibigang matalik pa ng mismong may-ari.Marahan na iniikot ni Tamara ang kanyang paningin sa malawak na karagatan. Ocean Pearl Private Beach Resort was a world class resort. Kompleto na ito sa amenities na sadyang binabalik-balikan ng mga turista.Mayroon itong malaking beach house na pribadong pag-aari ni Mr. Ethan Villaver. It also has a luxury hotel where guests can stay. Maliban pa roon ay may iba't iba pang pagpipilian ang mga napaparoon na turista--- may pavilion, small beach houses and kubo style na malapit sa dalampasigan.Sa ganda ng lugar ay hindi na kataka-taka kung maraming guests ang sumasadya roon upang magbakasyon. At isa na nga roon ang matalik na kaibigan ni Mr. Villaver na siyang inaasikaso ngayon ni Roberto.Mayamaya pa ay napalingon siya sa kanyang likuran nang maramdaman ang presensiya ng isang tao, si Roberto. Naglalakad ito palapit sa kanya at nang tuluyang makalapit ay inaya siya nito patungo sa bahagi kung saan makikita ang ilang kubo na maaaring tuluyan ng mga guests."Kanina ka pa ba?" tanong nito sa kanya nang huminto sila sa paglalakad."May ilang saglit na rin. Kausap ko kanina si Rose. Nabanggit niya nga sa akin na abala ka pa kaya naghintay na lang ako," mahaba niyang pahayag dito.Tumango lang ito sa mga sinabi niya bago may kinuha mula sa bulsa ng suot nitong pantalon. Inabot nito iyon sa kanya bago muling nagwika."Alam ko na nang isang araw pa dapat ito pero alam mo naman na kailangan ko bayaran ang matrikula ng bunso ko," anito sa mababang tinig.She closed her hand firmly. Halos makadama siya ng hiya dahil roon ngunit hindi niya naman magawang tanggihan ang perang inabot nito. Kailangan na kailangan nila iyon ng kanyang ina lalo pa ngayon na ilang araw na silang hindi nakakapagtinda sa palengke dahil sa iniinda ng nanay niya.May maliit na pwesto sila sa palengke malapit lamang sa tinitirhan nila. Isang hapon ay hindi sinasadya na madulas ang kanyang ina na si Maribel sanhi para magkaroon ng pilay ang kanang kamay nito nang hindi sinasadyang maitukod nito nang matumba.Nang mga unang araw ay siya lang mag-isa ang tumatao sa kanilang pwesto ngunit nitong mga nakalipas na ay hindi na niya maiwan ang kanyang ina dahil sa sinabayan ng pagtaas ng presyon ng dugo nito ang iniindang pilay.And because of what happened, Roberto was her last resort. Iyon ang dahilan kung bakit pilit siyang nakikipagkita dito."S-Salamat. . . S-Sir Roberto," aniya kasabay ng marahan na paglunok."Alam ko na nagtatampo ka na sa akin," mayamaya ay saad muli nito. Hindi niya pa maiwasang mapaismid. Tampo? Alam ba nito na higit pa sa tampo ang nadarama niya?Nang nanatili siyang tahimik ay nagpatuloy pa ito. "Napag-usapan na natin ito, Tam. Hindi ka maaaring laging narito. May mga pagkakataon na dinadaanan ako ng asawa ko pagkagaling niya sa trabaho. Paano kapag nakita ka niya? Mahihirapan akong magpaliwanag ng tungkol sa ating dalawa.""N-Naiintindihan ko," saad niya sa mahinang tinig. "Pero hindi naman siguro kalabisan kung magkita tayo paminsan-minsan, hindi ba?"Roberto heaved out a deep sigh. Gumuhit din ang isang ngiti mula sa mga labi nito. "Of course, Tam. Of course."Sukat sa mga sinabi nito ay hindi na napigilan pa ni Tamara ang lapitan ang lalaki at yakapin ito. Pumaikot ang dalawa niyang kamay sa baywang nito bago walang pag-aalinlangan na isinubsob ang kanyang mukha sa dibdib ni Roberto.Halos ilang saglit pa ang lumipas bago niya naramdaman ang pagganti ni Roberto ng yakap sa kanya.*****BIGLANG nagdikit ang mga kilay ni Lorenzo dahil sa kanyang mga narinig at nasaksihan. Kasalukuyan siyang nagpapahinga sa kubong inookupa niya sa resort na iyon. Mas pinili niyang doon manatili sa buong durasyon ng kanyang bakasyon kaysa ang kumuha ng isang kwarto sa pinaka-hotel ng resort.The ambiance of the place was giving him peace. Tama si Ethan nang sabihin nitong ma-rerelax ang kanyang sarili kapag nagbakasyon siya sa probinsiya ng mga ito.Tahimik nga siyang nakahiga sa kamang nasa loob ng inookupa niya. Balak niyang mayamaya lang ay mag-ikot sa buong lugar.Hanggang sa ilang saglit ay maputol ang katahimikang tinatamasa niya nang makarinig siya ng mga tinig na nag-uusap. Hindi niya na sana nais pang pagtuunan ng pansin ang mga ito ngunit agad namang napukaw ang kanyang interes nang makilala niya ang mga tinig.He knew that the other voice was Roberto's. Ito ang empleyadong sumundo sa kanya mula sa airport at ang personal na nag-asikaso ng mga pangangailangan niya sa resort na iyon. Alam niya na ganoon ito kaabala sa kanya dahil na rin sa bilin ni Ethan. Kanina pa nga ay sinadya siya nito sa kubong iyon upang tanungin kung may kailangan pa siya.But what really caught his attention was the voice of the woman whom Roberto was talking to. Pamilyar sa kanya ang tinig nito dahilan para lumabas siya ng kubong inookupa at lumapit sa pinanggagalingan ng tinig upang makasiguro sa kanyang iniisip.Ilang metro lang ang layo mula sa kubo ay nakita niya si Roberto at ang babaeng kausap nito. He can never be wrong. Ito ang babaeng nakabungguan niya sa airport, unang araw pa lamang niya sa probinsiyang iyon. Ito ang babaeng naging dahilan ng pagkakasira ng cell phone niya.His eyebrows furrowed as he heard them talking. Nadagdagan pa ang mga gatla sa kanyang noo nang makita niyang may iabot sa dalaga si Roberto. Hindi niya man malapitan ay alam niyang pera ang nasa kamay ng babaeng tinawag nitong Tamara.Kung tutuusin ay wala siyang pakialam sa usapan ng mga ito. He should not stay there and listen to what they were talking. Eavesdropping was never his thing. Ngunit sa hindi malamang dahilan ay nanatili lamang roon si Lorenzo at nakinig sa palitan ng mga ito ng salita.Hanggang sa halos mapigil niya ang kanyang hininga nang marinig niya ang mga sinabi ni Roberto. Pinagsasabihan nito ang dalaga na huwag madalas ang pagtungo roon? Na ayaw ni Roberto na makita ng asawa nitong nagkikita ito at ang dalaga? Na hindi nito alam kung paano magpapaliwanag sa asawa nito kapag nagkataon?What did Roberto mean by that? Bakit ayaw nitong mahuli ng asawa na nakikipag-usap sa babaeng kasama nito ngayon? Unless, this woman is his---Agad na napabaling si Lorenzo kay Tamara, ayon na rin sa pangalan na tinawag dito ni Roberto. Walang duda na ito nga ang babaeng nakaharap niya sa airport. She looked so young, much younger than her real age. Marahil ay dahil na rin sa gayak nito at kainosentehan ng mukha.Inosente? Inosente nga ba gayung hayun at waring may itinatago ito ni Roberto? And the heck, she was receiving money from a married man?He does not care at all--- he should not care at all! Hindi niya kilala ang mga ito at wala siyang pakialam sa kung anong buhay mayroon ang dalaga.But he can't help the tightening of his jaw as he remembered Charmaine, his ex-girlfriend. Hindi ba at halos ganoon din ang dati niyang kasintahan? Nakipaglapit si Charmaine sa kanya dahil sa estadong mayroon siya. Walang pinagkaiba sa babaeng kasama ni Roberto ngayon--- lumalapit sa lalaki para lang sa pera?Agad siyang napatayo nang tuwid nang makitang niyakap ng dalaga si Roberto. Ilang saglit pa ay nagpaalam na rin ang huli upang bumalik sa loob ng hotel. Alam niya na mamaya pa ang tapos ng trabaho nito.Naiwang mag-isa ang dalaga na sinundan pa ng tanaw ang papalayong si Roberto. Nang tuluyang makaalis ang empleyado ni Ethan ay marahan pang niyuko ng dalaga ang perang iniabot dito ni Roberto kanina. Hindi pa nakaligtas sa paningin niya ang panlulumo sa mga mata nito."Not enough for you?" bigla ay sabi niya dito dahilan para marahas na mapabaling sa kanya ang dalaga.Nahuli niya ang nabibiglang ekspresyon sa mukha nito nang masilayan siya. Alam niya, kahit hindi pa nito sinasabi, na namukhaan rin siya nito katulad ng kung paano niya ito agad nakilala kanina pagkakita niya."I-Ikaw?" anito sa nauutal na tinig.Lorenzo walked slowly towards her. Ni hindi humihiwalay ang kanyang paningin sa mukha nito. Until the corner of his lips twisted upwardly in a mocking smile."You have a good memory," aniya dito sabay yuko sa kamay nitong may hawak ng pera. Nang mapansin ng dalaga ang paninitig niya ay muli nitong ikinuyom ang kamay."Isa kang guest sa resort na ito," she said, more of a statement than a question."Kilala mo si Mr. Asuncion?" balik tanong niya sa halip na sagutin ang mga sinabi nito."Kilala mo rin siya? I---""I heard your conversation a while ago," putol niya sa mga sinasabi nito sa seryosong tinig.Agad namang napalunok ang kanyang kaharap dahil sa mga narinig. "A-Ano ang narinig mo?""Tama ba ang mga narinig ko, Tamara. . . Tamara, right? I heard Mr. Asuncion called you with that name.""Hindi ko alam na ugali mo palang makinig sa usapan ng may usapan, mister. Hindi ba---"Sa muli ay naputol ito sa pagsasalita nang sumingit siya."Are you Mr. Asuncion's mistress?""Ano?!" bulalas nito sa nagugulumihanang tinig.Kulang ang salitang gulantang sa nadarama ni Tamara nang marinig niya ang mga sinabi ng lalaki. Ang bigla nga nitong pagsulpot kanina ay labis na niyang ikinagulat, mas higit pa ang mga sinabi nito sa kanya.Hindi niya inaasahan na makitang muli sa resort na iyon ang lalaking nakabungguan niya sa airport nang isang araw. Sa laki ng Davao ay hindi na niya inakala pa na magkrus muli ang kanilang mga landas. At sa ganoon pa talagang senaryo!"Hindi ba?" saad pa ng lalaki sa tinig na nasisiguro niyang punong-puno ng sarkasmo. "Narinig ko ang usapan ninyo. Bakit ka pinagbabawalan na pumarito ni Mr. Asuncion? At bakit nababahala siya na baka makita ka ng asawa niya? May itinatago kayo?"Sa dami ng mga sinabi ng lalaki ay hindi agad nakasagot si Tamara. Ni hindi siya makaapuhap ng ano mang salita na ibabato dito. Damang-dama niya kasi ang panliliit dahil sa tono na ginamit nito.She swallowed hard. Sa kabila ng nadarama ay hindi siya nagpakita na naaapektuhan siya dahil sa mga sinabi ng lala
"H-Hindi ako makapaniwalaang kaibigan ka nga ni Sir Ethan. You are insane," saad ni Tamara sa halos nagugulumihanang tinig. "Naririnig mo ba ang mga sinabi mo, Mr. Olivar?""Of course, I do," balewala nitong tugon. Mistula pa nga itong naaaliw sa naging reaksyon niya. Patunay roon ang isang nakalolokong ngiti na naglalaro sa mga labi nito habang nakatitig sa kanya."Nababaliw ka na nga kung ganoon?" wika niya pa. "You were asking me to be your woman. Bakit naman ako, sa tingin mo, papayag sa gusto mo? Hindi ako---""Iyon naman ang papel mo sa buhay ni Mr. Asuncion, hindi ba?" sansala nito sa kanyang pagsasalita. "You are his woman. You did not even deny it. At ang mga sinabi mo kanina ay parang mga nagpatibay lang ng mga hinala ko sa iyo. But why stick to Mr. Asuncion if there could be a better replacement?"Nahahati ang damdamin ni Tamara sa mga sinasabi ng lalaking kanyang kaharap. Una, gusto niyang mainsulto dahil sa mga binato nitong salita. Dalawang beses pa lamang sila nagkikita
Dire-diretsong naglakad patungo sa kanilang bahay si Tamara. Pasado alas-siyete na ng gabi ngunit marami-rami pa ring bata ang nasa daan at naglalaro. Ang iba ay nagtatakbuhan pa at kailangan niyang ilagan upang hindi siya mabunggo. Sa isang sulok naman ng daan ay naroon ang mesang lagi na ay may inuman session ng kanilang mga kapitbahay. Nasa tapat mismo iyon ng bahay ng kapitbahay nilang si Mang Orling.Ganoon lagi ang senaryo sa lugar nila. Karamihan sa mga taga-roon ay katulad din nila ang estado sa buhay--- isang kahig, isang tuka. Kung hindi kikilos ay walang kakainin. At iyon ang uri ng buhay na gustong takasan ni Tamara.Hindi siya ganoon kaambisyosa. Maiahon niya lang talaga sa hirap ang kanyang ina ay sapat na para sa kanya. Hindi niya rin naman nais na habang-buhay ay naroon siya sa lugar na iyon at mag-aasam na lang kung may kakainin ba o wala.Iyon ang dahilan kung bakit nais niyang makabalik sa kanyang pag-aaral. Bente-kwatro anyos na siya at isang taon pa lang sa kolehi
Agad na nanlaki ang mga mata ni Tamara dahil sa ginawa ni Lorenzo. Sa loob ng ilang saglit ay hindi siya nakahuma sa kanyang kinatatayuan habang sakop pa rin nito ang kanyang mga labi. Isang mariing halik nga ang ibinigay nito sa kanya habang ang isang kamay ay mahigpit na nakapigil sa kanyang batok. Ang kabilang kamay naman nito ay nakahawak pa rin sa kanyang palapulsuhan.Until Tamara gasped softly as his lips moved on hers. Mistula itong nag-uudyok na ibuka niya ang kanyang bibig at tanggapin ang halik na binibigay nito. And because of what he did, Tamara was able to taste the alcohol that he had a while ago.Sanay naman siyang makakita ng mga lalaking umiinom. Sa lugar nila, waring normal na sa kanilang mga kapitbahay ang mag-inuman. Kahit walang okasyon at sa kabila ng hirap ng buhay ay nakakakuha ng pagkakataon ng ilan nilang mga kapitbahay na magkaroon ng inuman session.At aaminin niyang hindi niya gusto ang amoy ng alak sa ibang tao. Lalo na sa tuwing humahalo ang amoy ng inu
"Tulungan na kita, ate," salubong sa kanya ni Wilbert nang makita siya nitong papasok sa kanilang bahay.Agad nga nitong kinuha ang isang malaking plastic bag na bitbit niya mula sa palengke. Naglalaman iyon ng ilang gamit nila sa pwesto at ilang tirang paninda na inuwi niya na lamang upang ikonsumo nila sa bahay."Salamat, 'Bert," nakangiti niyang ganti dito.Nagpatiuna na ito sa pagpasok sa pinto at agad na ipinatong ang dala niya sa mesa sa kusina. Siya naman ay napasulyap sa mahabang upuan na nagsisilbing higaan na rin ni Wilbert sa tuwing gabi. Nagkalat pa roon ang ilang kwaderno ng pinsan niya na halatang pinag-aaralan pa nito.Hindi niya maiwasang mapangiti ulit. Nasa unang taon na ng kolehiyo si Wilbert. Sa kanila ito nakatira sapagkat ang ina nito, na kapatid ng Nanay Maribel niya, ay namamasukan bilang isang katulong sa maykayang pamilya sa kabilang bayan.Dahil solong anak si Wilbert at stay-in sa trabaho ang ina nito ay sa kanila na lamang umuuwi ang binatilyo. Wala na rin
Mula sa pagkakaupo sa kanyang higaan ay agad na napalingon si Tamara sa may hamba ng pintuan ng kanyang silid nang mula roon ay sumilip ang kanyang ina. Napatuwid siya ng pagkakaupo at nailapag din ang kwadernong hawak-hawak niya.Kasalukuyan kasi siyang nagguguhit ng iba't ibang uri ng damit. It was something that she always do every time she's bored. Minsan nga, sa tuwing nakararamdam siya ng bigat sa kanyang dibdib ay inaaliw niya lang ang kanyang sarili sa pamamagitan ng pag-iisip ng iba't ibang disenyo ng mga kasuotan.Iba din kasi ang dulot sa kanya ng pagguguhit. It was something that helped her escape all her worries in her life. Hindi niya nga lang alam kung mabibigyan niya nga ba ng katuparan ang pangarap niyang maging isang designer."Gumuguhit ka na naman," puna ni Maribel sa kanyang ginagawa. Napayuko pa ito sa kwadernong nasa tabi niya. Nakabuklat pa kasi iyon sa pahina kung saan naroon ang huli niyang iginuhit."Nagpapaantok lang po," aniya sa mahinang tinig.Her mother
Maang na napatitig si Tamara kay Lorenzo matapos niyang marinig ang mga sinabi nito. Hindi niya pa mapigilang mapalunok dahil doon. Nang pagmasdan niya ang binata sa mukha nito ay naroon ang ekpresyon na halos magpailang sa kanya, bagay na hindi niya maunawaan kung bakit.Hinamig niya ang kanyang sarili upang ipakita na hindi siya naapektuhan sa mga sinabi nito. "A-Ano naman ang kaibahan niyon? Pareho lang naman iyon, Mr. Olivar?""Malaki ang pagkakaiba ng mga iyon, Tamara," mariin nitong saad. "Making love is very far from just fvcking."Iniwas niya ang kanyang mukha. Disimulado niyang ibinaling ang kanyang mga mata sa ibang panig ng condo unit nito. Si Lorenzo lang ang tao na hindi niya pa natatagalang nakikilala pero madalas niya nang nakakausap na ang paksa ay tungkol sa pakikipagtalik, bagay na hindi niya naman ginagawa sa iba, kahit sa kanyang mga kaibigan.Ilang beses na nga na ang nagiging laman ng usapan nila ay tungkol sa sex? Naalala niyang minsan pa siyang nagbanggit sa bin
Dumating ang unang araw ni Tamara sa Olivar Furniture Company. Aminado siyang kabado sapagkat hindi niya pa alam kung ano ang kahihinatnan ng kanyang trabaho sa kompanyang iyon.Ang usapan nila ni Lorenzo ay dadaanan siya nito sa condo unit at isasabay na sa pagpasok sa OFC. Hindi na siya kumontra pa. Hindi niya pa alam ang patungo sa kompanya ng mga ito at ayon pa sa binata ay kailangan siya nitong samahan sa pakikipag-usap kay Crisanta, ang empleyadong magpapaliwanag sa kanya ng magiging trabaho niya.Dahil unang araw niya at hindi niya nais na mapahiya kay Lorenzo ay maaga siyang gumising. Katunayan, alas-kwatro y medya pa lang ng umaga ay abala na siya sa pagluluto ng almusal. Sinabayan niya na rin ng babauning tanghalian sa trabaho. Ayon kasi kay Lorenzo ay alas-singko ang labasan ng mga empleyado nito. Naisipan niyang magbaon na lamang ng tanghalian kaysa ang gumastos pa sa pagbili.Matapos niyon ay ang sarili naman niya ang inasikaso niya. Naligo, nag-toothbrush at nagbihis na