Chapter 40

CHAPTER 40

“Hindi ka raw niya makontak kanina pa. Sabi ko nasa office ka lang, kumakain ng lunch.”

“Wala akong baon. Bumili ako.”

“Bakit ka bibili?” bulalas nito. Nagsasalubong ang mga kilay.

“Ang daming inorder ni Sir na pagkain para sa ‘yo. Pang-isang dosena na yata. Sana nagsabi ka sa akin kung kulang pa.”

“Wala akong natanggap na pagkain.”

“Ano? Ako mismo nagdala. Teka nasaan ba—Ms. Atanacio.”

Nagtatakang nasundan niya ng tingin si Gayle nang lagpasan siya nito. Mabibigat ang hakbang nito papunta sa mesa nina Tanya.

Biglang namutla ang babae nang pumamewang si Gayle sa harap nito.

Ang lalaking nag-aya sa kanya kanina ang nagsalita. “Kain tayo, Ma’am. Ang sasarap ng libre ni Ma’am Tanya.”

“Anong libre ni Ma’am Tanya? Para ‘yan kay Ms. Mijares.”

Nalaglag ang fried chicken mula sa bibig ng lalaki.

Sabay-sabay na nagsibitawan ng mga pagkain ang mga nasa mesa.

“S-Sabi ni Ms. Tanya galing daw sa boyfriend niya?”

Pagak na tumawa si Gayle. Tumikwas ang kilay nito