Chapter 16

DAHIL sa nangyari sa mga ari-arian ng minahan ay naging tahimik tuloy si Kibaweg sa harap ng wedding coordinator. Nakatingin siya sa mga ito pero parang wala siyang nakikita. Naririnig  niya ang pinag-uusapan pero parang wala siyang  naiintindihan. Malayo kasi ang isip niya, nandoon sa Cordillera. Kaya nang ihain sa kanya ni Guen ang kontrata, pati na ang ginawa nilang authorization letter para makuha ng mga ito ang dokumento nila, saka pa lang niya namalayang pagsang-ayon na lang pala niya ang kulang at  tapos na ang meeting nila.