CHAPTER THIRTY-NINE

ISLA'S POV

"Isla, saan mo nakilala 'yon? Gaano na kayo katagal no'n? Gaano mo na kakilala 'yon?"

Napahinto ako sa pagtipa sa laptop ko nang marinig ko ang tinig ni Mama na nang-uusisa. Naging sunod-sunod pa ang kaniyang mga tanong.

Halos kakaalis lang ni Tobias dito sa kwarto at nilabas ko na agad ang laptop ko dahil sigurado akong gigisahin na naman ako ni Mama at ito na nga, tama ang hinala ko. 

Ramdam ko ang pagkabog nang malakas ng puso ko. Sabi ko na nga ba hindi na naman ako titigilan ni Mama. Kaya sobrang kinakabahan din ako na biglang dumating si Tobias dito ay sobrang istrikta talaga ni Mama. Hindi ko alam kung ano ang isasagot ko. 

Hindi ko pwedeng sa club kami nagkakilala at mas lalong hindi ko pwedeng sabihin ang tunay na dahilan kung paano kami nagkakilala ni Tobias.

Buti kay Papa ay ayos lang sa kaniya 'tong mga ganito. Si Mama talaga