Chapter 10: ‘THE LUCKY CHARM’

Dahil sa nangyaring iyon naiwan si Belle sa bar sa kadahilanang, kakausapin siya ng asawa ni Vilkas. Nakarating agad sa itaas ang nangyari kaya nagpadala ito ng tao na magsusundo sa kaniya.

Ramdam niya ang tensyon ngunit may tiwala siya sa titulo niya. Hindi naman siya masasaktan ni Felicia, dahil nandiyan si Vilkas na titigbas sa leeg nito sakaling iyon nga ang mangyayari.

Huminto ang itim na van na sinasakyan nila sa tapat ng malaking mansion. Hindi niya maiwasang kabahan ngunit may abilidad siyang magtago nito at iyon rin ang ginamit niyang sandata.

Bumuga lamang siya ng hininga't sumabay roon ang pagsiko ni Mark sa braso niya. Binigyan niya ito nang pansin sa pamamagitan ng tingin.

"Ayos ka lang?" tanong nito na tila nababasa ang reaction niya.

Pinakunot niya ang kaniyang noo, nagkunwaring nagtataka sa tanong nito. "Anong klaseng tanong iyan? Sinasabi mo bang kinakabahan ako?" Sinamahan niya iyon ng paglagay ng palad sa kaniyang dibdib.

Sandaling tumingin si Max sa harapan. Bi